Qazaqstan týrıstik qaýymdastyǵy Elbasyǵa, Úkimetke jáne týrısterimizdiń otanyna qaıtýǵa kómekteskenderdiń barlyǵyna alǵys bildiredi
ALMATY. 11 maýsym. QazAqparat - Qazaqstan týrıstik qaýymdastyǵynyń (QTQ) QR Úkimetine «Sky Airlines» áýekompanııasynyń bankrotqa ushyraýyna baılanysty Antalııadan ushyp shyǵý múkindiginen aıyrylǵan qazaqstandyq týrısterdi otanyna shuǵyl jetkizý máselesin qarastyrý týraly ótinishpen san ret habarlasýynyń nátıjesinde, QR Prezıdentiniń tapsyrmasymen TJM ushaqtaryn bólý jáne 8, 9 jáne 10 maýsymdaǵy reısterge baılanysty shyǵyndardy óteý týraly sheshim qabyldandy, dep habarlaıdy QTQ baspasóz qyzmetinen.
Nátıjesinde, Antalııadaǵy QR Konsýldyǵynyń kómegimen 8 maýsymda Antalııadan Qazaqstanǵa - 124 adam, 9 maýsymda - 65 týrıst, 10 maýsymda - 164 adam «Pegasus Airlines» avıakompanııasymen ákelindi.
Búgin saǵat 11.30-da 101 týrısti jetkizgen «Pegasus Airlines» avıakompanııasynyń ushaǵy Astanaǵa qondy. Sondaı-aq, búgin «Pegasus Airlines» avıakompanııasynyń Antalııadan Almatyǵa ushýy josparlanyp otyr, ondaǵy shamalanǵan oryn sany - 202.
QTQ jáne eldiń týrıstik naryǵy qoldaý kórsetkeni jáne jedel sheshim qabyldaǵany úshin QR Prezıdenti N. Nazarbaevqa, Úkimetke jáne jeke S. Ahmetov jáne Á. Isekeshevke, QR IJTM vıtse-mınıstri A. Raýǵa, QR IJTM TIK tóraǵasy K. Tanysbaevqa, QR-dyń Antalııadaǵy konsýly B. Abdrahmanovqa qıyndyqqa tap bolǵan qazaqstandyqtarǵa qoldaý kórsetip, yqylas bildirgenderi úshin alǵys aıtady.
QTQ máseleni talqylaýǵa, sheshim shyǵarýǵa, kómek kórsetýge belsendi qatysqan týrıstik operatorlarǵa, sondaı-aq, óz klıentterin qıyndyqta qaldyrmaǵan týrıstik agentterge, osyndaı týrıstik sala úshin qıyn jaǵdaıda beıjaı qalmaǵandardyń barlyǵyna alǵys bildiredi.
