Qazaqstan týrıstik qaýipsizdik jaǵynan AQSh-tan ozyp ketti
ASTANA. QazAqparat - Dúnıejúzi ekonomıkalyq forýmynyń ındeksine sáıkes Qazaqstan týrıstik qaýipsizdik jaǵynan 58-shi orynǵa deıin kóterildi, dep xabarlaıdy QazAqparat tilshisi.
«Osylaısha, atalǵan kórsetkish boıynsha biz AQSh, Ulybrıtanııa, Frantsııa sııaqty memleketterdi basyp ozdyq. Alaıda saıaxat pen týrızm salasyndaǵy básekelestik jaǵynan Qazaqstan Dúnıejúzi ekonomıkalyq forýmynyń ındeksinde 81-shi orynda tur», - deıdi QR Mádenıet jáne sport vıtse-mınıstri Asqar Batalov. Onyń aıtýynsha, búginde álem boıynsha týrısterdiń sany ósip keledi. Sońǵy málimetterge sáıkes, shetelge shyǵatyn týrısterdiń sany 1,2 mlrd-qa jetti.
Aıta keteıik, búgin týrıstik salany damytýǵa arnalǵan jıynda vıtse-mınıstr Asqar Batalov Qazaqstanǵa qytaılyq týrısterdi kóptep tartý qajettigin de jetkizdi. Sebebi Qytaı Halyq Respýblıkasy syrtqa shyǵatyn týrısterdiń sany jaǵynan kósh bastap tur.
