Qazaqstan týrıstik áleýetin tolyqqandy damytýy qajet - Taleb Rıfaı
«Qazaqstannyń týrıstik baǵyttarynyń áleýeti óte joǵary. Tylsym tabıǵaty tunyp turǵan ári ashyq jerleri óte kóp. Peızajy men tarıhy, dástúri men mádenıeti ǵana bul jerdi biregeı jasap otyrǵan joq. Sheteldikter Qazaqstan jaıynda kóp málimetterdi bile bermeıdi. Týrızmdi tek týrızm úshin ǵana emes, sonymen birge saıası ári ekonomıkalyq tabys úshin paıdalanýlaryńyzdyń ómirlik mańyzy bar. Elderińizdi brendke aınaldyryp, memleketterińizdi búkil álemge pash etýlerińiz qajet. Bizdiń bas assambleıamyz 2009 jyly Astanada ótken bolatyn. Bul Qazaqstanmen qarym-qatynastaǵy senimdi arttyra túsýimiz qajettigine berilgen óte mańyzdy belgi desek te bolady», - dedi Taleb Rıfaı «EKSPO-2017» medıa ortalyǵynda ótken baspasóz máslıhaty barysynda.
Taleb Rıfaı EKSPO-2017 alańynda ótip jatqan týrızm jáne bolashaq energııasyna arnalǵan halyqaralyq konferentsııaǵa qatysýda. Alqaly jıynǵa halyqaralyq játen otandyq úkimettik emes uıymdardyń, 150 eldiń salalyq mınıstrlikteriniń, týrıstik agenttikterdiń 700-den astam ókilderi qatysýda.
Aıta keterligi , BUU Búkilálemdik týrıstik uıymnyń bas hatshysy Taleb Rafaı erteń Qazaqstan Úkimetiniń otyrysyna qatysatyn bolady. Muny joǵaryda atalǵan baspasóz máslıhaty barysynda QR Mádenıet jáne sport mınıstri Arystanbek Muhamedıuly málim etken edi.
