Qazaqstan týrısterdiń quqyǵyn buzatyn sheteldik qonaqúıler men týrfırmalardyń «qara tizimin» jasaıdy
ASTANA. QazAqparat - QR IJTM Týrızm ındýstrııasy komıteti qazaqstandyq týrısterdiń quqyǵy buzylǵandyǵy jaıyndaǵy kez kelgen aqparatty jiti qadaǵalap otyrady jáne otandastarymyzdyń quqyǵyn buzǵan sheteldik qonaq úıler men týrıstik fırmalardń «qara tizimin» jarııalaıdy. Bul týraly atalǵan vedomstvonyń baspasóz qyzmetinen habarlady.
Qazaqstandy týrısterdiń quqyǵyn buzǵan qonaqúıler men týrıstik fırmalardyń tizimi týrısterdiń aqparatynyń arqasynda jańartylyp turady. Quqyǵy buzylǵan týrıster QR IJTM Týrızm ındýstrııasy komıtetiniń mynda «jedel jeli» telefon nómirine jáne elektrondy mekenjaıyna habarlasa alady: +7 (7172) 74-91-63, kit.mint.gov@gmail.com.
Aıta keteıik, ótken aıda Qazaqstan Respýblıkasy Indýstrııa jáne jańa tehnologııalar mınıstrliginiń Týrızm ındýstrııasy komıtetine Túrkııada demalysta júrgen «Almaz tourizm» týroperatorynyń qazaqstandyq klıentterinen keıbir qonaq úılerdiń ókilderi tarapynan qysym týyndap jatqandyǵy týraly shaǵymdary kelip túse bastady. Osydan keıin komıtet Túrkııa Respýblıkasynyń Mádenıet jáne týrızm mınıstrligine týyndaǵan másele boıynsha qazaqstandyq týrıster úshin zańdy sheshim tabýǵa járdemdesýin surap hat joldady.
Sondaı-aq «Trek Travel International» kompanııasynyń basshysyna qazaqstandyq týrısterdiń qonaq úıge qaıta tólem jasaýlaryna jol berilmeıtindigi týraly aıtylǵan hat jiberildi.
Qazaqstan Respýblıkasy Indýstrııa jáne jańa tehnologııalar mınıstrliginiń Týrızm ındýstrııasy komıtetiniń tóraǵasy Marat Iǵalıev BUU Búkilálemdik týrıstik uıymynyń (ıÝNVTO) bas hatshysy Taleb Rıfaıǵa da hat joldap, mundaı tájirıbe álemdik týrıstik qoǵamdastyqta kásibıliksiz jáne mádenıetsizdik retinde talqylanatyndyǵyn atap ótti.
