Qazaqstan týrıster úshin qaýipsizdik deńgeıi orta memleketterdiń qataryna kirdi
ASTANA. QazAqparat - Sarapshylar týrıster úshin 2017 jylǵy eń qaýipti elderdiń ınteraktıvti kartasyn jasady.
Interaktıvti kartanyń avtory - International SOS medıtsınalyq servıs kompanııasy álemniń ınteraktıvti kartasyn jarııa etti. Onda 2017 jyly saıahattaýǵa bolatyn eń qaýipti jáne qaýipsiz memleketterdiń tizimi jarııalandy. Kompanııanyń saıtyndaǵy kartada ár memleket óziniń qaýipsizdik deńgeıine qaraı túrli tústermen árlengen, dep habarlaıdy Rıa Novostı.
Eń qaýipti óńirler men memleketter qoıý qyzyl túspen belgilengen. Olar: Lıvııa, Malı, Ońtústik Sýdan, Iemen, Sırııa, Aýǵanstan men Venesýela.
Osy tizimge Kongo, Somalı, Sýdan sııaqty ózge de birqatar memleketterdiń keıbir aýdandary kiredi. Al, týrıster úshin azdap qaýipsizdeý memleketter aqshyldaý túspen belgilengen. Bul tizimge Meksıkanyń keıbir shtattary men Kolýmbııa, Ekvador, Nıgerııa, Pákistan, Úndistannyń keıbir aımaqtary men ózge de jerler kirgen.
Al, Brazılııa, Bolıvııa, Qazaqstan, Reseı, Saýd Arabııasy, Ýkraına sııaqty birqatar elderdi sarapshylar týrıster úshin qaýipsizdik deńgeıi ortasha elder qataryna jatqyzypty.
Bul memleketter qyzǵylt-sary túspen belgilengen.
