Qazaqstan túriktiń brend dúkenderiniń sany jaǵynan úshinshi orynda tur
YSTANBUL. QazAqparat - 2018 jyldyń sońyna qaraı shet elde tórt myńdaı túrik brend dúkenderi ashylady, dep habarlaıdy Anadoly agenttigi Biryńǵaı brendter qaýymdastyǵynyń basshysy Sınan Ondjelge silteme jasap.
Onyń aıtýynsha, Qazaqstan túriktiń brend dúkenderiniń (227) ashylýy boıynsha úshinshi orynda tur. Reseı eli bul kórsetkishte kósh bastap tur. Artynan Saýd Arabııasy (264 dúken), Qazaqstan, Iran (199), Ýkraına (181), Rýmynııa (134), Irak (128), Ázerbaıjan (125), Soltústik Kıpr, Túrik Respýblıkasy (102) jáne Grýzııa (75) ornalasqan.
«Túrik brendteri dúkenderiniń úshten eki bóligi osy 10 elde ashylǵan», - dedi S. Ondjel.
Biryńǵaı brendter qaýymdastyǵy basshysynyń sózinshe, kún saıyn shetelde ortasha eseppen túriktiń jańa eki brend dúkeni ashylady. 2018 jyldyń basynan beri 108 elde 3150 dúken jáne 1150 BMD saýda oryndary jumys jasap tur. Jyldyń sońyna deıin olardyń sanyn tórt myńǵa jetkizý josparlanǵan.
