Qazaqstan túriktiń «Anka» tektes drondaryn satyp alý máselesin qarastyryp jatyr
Málimetterge qaraǵanda, Memleket basshysy – Qarýly kúshterdiń Joǵarǵy Bas qolbasshysy Qasym-Jomart Toqaev 2022 jylǵy 19 qańtar kúngi Qorǵanys mınıstrliginde sóılegen sózinde geosaıası jaǵdaıdy jáne óńirlik deńgeıdegi qaýip-qaterlerdi eskere otyryp, Qarýly kúshterdiń jaýyngerlik qabiletin túbegeıli arttyrýdy talap etti.
Osy rette barlaý, onyń ishinde radıolokatsııalyq barlaý mindetterin oryndaý, kedergiler keltirý jáne táýliktiń kez kelgen ýaqytynda jerústi nysanalaryna dál soqqy berý úshin «Wing Long-1» ekpindi-barlaý, «Orlan-10E» barlaý, «Skylark – 1Lex» taktıkalyq ushqyshsyz ushatyn apparattary satyp alynǵanyn jazdy.
Al qazir vedomstvo túriktiń «Anka» tektes drondaryn satyp alý máselesi de qarastyryyp jatyr.
«Jalpy, áskerlerdi ushqyshsyz ushý apparattarymen jaraqtandyrý qajettilikke sáıkes josparly túrde júzege asyrylatyn bolady», - delingen maqalada.
Mınıstr orynbasarynyń málimetinshe, Qazaqstannyń Qarýly kúshteri 30 jyl ishinde 4 myńnan astam zamanaýı qarý-jaraq pen áskerı tehnıka túrlerimen qamtamasyz etildi.
