Qazaqstan-Túrikmenstan shekarasynda «Bolashaq» shekaralyq zastavasy ashyldy
ASTANA. QazAqparat - Mańǵystaýda Qazaqstan men Túrikmenstan shekarasynda «Bolashaq» shekaralyq zastavasynyń ashylý saltanaty ótti, dep habarlaıdy «QazAqparat» HAA QR UQK ShQ baspasóz qyzmetine silteme jasap.
Sharaǵa Shekara kúzeti óńirlik basqarmasynyń qolbasshylyǵy, Mańǵystaý oblysynyń ákimi, QR UQK Shekara qyzmetiniń ardagerleri jáne Bolashaq aýylynyń turǵyndary qatysty.
Jınalǵandar qazirgi zamannyń syn-qaterleri Qazaqstan shekarashylarynan daıyndyq pen materıaldyq-tehnıkalyq jabdyqtaýdyń joǵary deńgeıde bolýyn talap etetinin aıtty.
Shekaralyq keshende zamanaýı ınfraqurylymnyń qajetti nysandary: zastavanyń ákimshilik ǵımaraty, ofıtserlik quramnyń úıleri, áskerlerge arnalǵan zamanaýı kazarma, ashana, sport kesheni, balalar oınaıtyn alańdar bar. Buǵan deıin shekarashylar jyljymaly modýl negizinde qyzmet etip kelgen.
