Qazaqstan, Túrikmenstan men Ózbekstan shekaralarynyń túıisý núktesi aıqyndaldy
ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasy, Túrikmenstan jáne Ózbekstan Respýblıkasy arasyndaǵy úsh memlekettiń memlekettik shekaralarynyń túıisý núktesiniń aýdany týraly shartty ratıfıkatsııalaý týraly» zań jobasy maquldandy. Sharttyń basty maqsaty - úsh memlekettiń shekaralarynyń túıisý núktesiniń ornalasqan jerin aıqyndaý bolyp tabylady, dep habarlaıdy QazAqparat.
Shartqa Qazaqstan Prezıdenti Nursultan Nazarbaevtyń usynysymen úsh memlekettiń syrtqy saıasat vedomstvolary basshylarynyń deńgeıinde 2017 jyldyń 10 qarashasynda Samarqand qalasynda qol qoıylǵan.
«Úsh memlekettiń shekarasynyń túıisý núktesi Ústirt aýmaǵynda ornalasqan. Shekaralardyń túıisý núktesiniń ornalasqan jeri jáne shekara syzyǵynyń ótýi sharttyń ajyramas bóligi bolyp tabylady. Shart merzimsiz ári denonsatsııalaýǵa jatpaıdy. Qujattyń kúshine enýi úsh memlekettiń shekaralarynyń delımıtatsııalaý protsesiniń aıaqtalýyna, aýmaqtyq daýlardyń týyndaýynyń aldyn alýǵa, elimizdiń ulttyq qaýipsizdigin nyǵaıtýǵa yqpal etedi», - deıdi QR Syrtqy ister mınıstriniń birinshi orynbasary Muhtar Tileýberdi.
Onyń sózine qaraǵanda, bul shart Qazaqstannyń memlekettik shekarasyn delımıtatsııalaýdy tolyǵymen aıaqtaıtyn sońǵy qujat bolyp otyr. ıAǵnı, bul shart qabyldanǵannan soń Qazaqstannyń memlekettik shekarasy tolyǵymen delımıtatsııasyn aıaqtaıdy degen sóz.
Aıta keterligi, Qazaqstannyń memlekettik shekarasyn delımıtatsııalaý máselesine Elbasy Nursultan Nazarbaev Táýelsizdiktiń alǵashqy kúninen bastap erekshe nazar aýdaryp keledi. Bul rette Prezıdent «Qazaqstannyń aýmaqtyq tutastyǵy men táýelsizdigin saqtaýdan basqa artyq mańyzdy mindet joq» degen bolatyn. Talqylaý barysynda Májilis depýtattary osyǵan da nazar aýdardy. Máselen, depýtat Qanat Mýsın Elbasynyń eren kúsh salýy men halyqaralyq abyroı bedeliniń arqasynda Qazaqstannyń memlekettik shekarasyn belgilep, ony zańdyq turǵydan tanytý baǵytynda úlken jumys jasalǵanyn alǵa tartady.
«Qazir qurlyqtaǵy memlekettik shekaranyń búkil perımetrleri boıyndaǵy barlyq shekaralyq shekter halyqaralyq quqyqtyq normalar negizinde anyq rettelip, zańdyq turǵyda rásimdeldi. Búgingi shart shektesip jatqan úsh memlekettiń ózara qurmetin, egemendi teńdigin jáne aýmaqtyq tutastyǵyn nyǵaıtý úshin myqty negiz jasaıdy», - deıdi Qanat Mýsın.
Aıta keteıik, sharttyń ratıfıkatsııalanǵany týraly gramotalar almasqan kúnnen bastap atalǵan qujat kúshine enedi.
