Qazaqstan túrikmen gazy ımportynyń kólemin jylyna 1,5 mlrd tekshe metrge jetkizýge daıyn

ASTANA. QazAqparat – Qazaqstan túrikmen gazy ımportynyń kólemin jylyna 1,5 mlrd tekshe metrge jetkizýge daıyn. Bul týraly búgin Aqordada Túrikmenstan Prezıdenti Serdar Berdimuhamedovpen kelissózderden keıingi BAQ ókilderine arnalǵan brıfıngide Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Gaz salasyndaǵy ózara tıimdi seriktestiktiń bolashaǵyn tyńǵylyqty qarastyrdyq. Ótken jyly osy saladaǵy birlesken jobalardy iske asyrýǵa qatysty serpindi ýaǵdalastyqqa qol jetkizildi. «QazaqGaz» jáne «Túrikmengaz» kompanııalary túrikmen gazyn ımporttaý boıynsha kelisimsharttarǵa qol qoıdy», - dedi Memleket basshysy.

Osy oraıda Qasym-Jomart Toqaev Túrikmenstan Prezıdentine atalǵan jobany ilgeriletýdegi jeke qoldaýy úshin rızashylyǵyn bildirdi.

«Biz uzaq merzimdi kelisimshart jasasýǵa múddelimiz jáne gaz ımportynyń kólemin jylyna 1,5 mlrd tekshe metrge deıin arttyrýǵa daıynbyz. Qazaqstan Túrkimenstannyń iri energetıkalyq bastamalaryn iske asyrýǵa qatysýǵa, tájirıbe almasýǵa, gaz óńdeý jáne gaz hımııasy salasyndaǵy ózara tıimdi jobalardy damytýǵa daıyn. Eki taraptyń da múddelerin eskere otyryp, Úkimetterge osy baǵyttardy pysyqtaý tapsyryldy», - dedi QR Prezıdenti.

Foto: akorda.kz