Qazaqstan turǵyny shekaradan tiri totyqustar men tasbaqalardy alyp ótpekshi bolǵan
ASTANA. QazAqparat - Qazaqstan - Reseı shekarasynda totyqustar men tasbaqalardy alyp ótýge jol berilmedi, dep habarlaıdy «QazAqparat» HAA tilshisi QR UQK Shekara qyzmetine silteme jasap.
Vedomstvonyń baspasóz qyzmeti habarlaǵandaı, 41 jastaǵy qazaqstandyq azamatsha totyqustar men tasbaqalardy kontrabandalyq jolmen shekaradan alyp ótpekshi bolǵan.
Ol «Qostanaı - Ekaterınbýrg» baǵytyndaǵy avtobýsynda «Qaıraq avto» ótkizý beketinde ustaldy. Tekserý barysynda áıeldiń júginen 40 tiri totyqus pen tasbaqa tabyldy. Júktiń ruqsat qujattary joq bolyp shyqty. Qarabalyq aýdanynyń ózara baılanystaǵy organdarynyń ókilderi aqparattandyryldy.
