Qazaqstan turǵyndary ushaqty jıi paıdalana bastady

ASTANA. QazAqparat - Qazaqstandyqtar ushaqpen jıi ushyp, temirjol kólikterin sırek paıdalanatyn boldy. 2017 jyldyń qańtar-sáýir aılarynda temirjol kásiporyndary byltyrǵy jylmen salystyrǵanda júrginshilerdi 20 myńǵa kem tasymaldaǵan. Sondaı-aq, byltyrǵy jylmen salystyrǵanda 290 myńǵa artyq adam áýe joly arqyly tasymaldanǵan, dep habarlaıdy Finprom.

2015 jyldyń qańtar-sáýir aılarynda tasymaldanǵan jolaýshylar sany 1,4 mıllıon adamǵa azaısa, 2016 jyldyń qańtar-sáýir aılaryndaǵy kórsetkish boıynsha tasymaldanǵan jolaýshylar sany 3,8 mıllıonǵa kemigen. Alaıda, 2017 jyldyń tórt aıynda Qazaqstan turǵyndarynyń basym bóligi poıyzdy tańdap - temirjol kóligi arqyly 6,7 mıllıon adam tasymaldandy.

2017 jylǵy temirjol tasymalynyń kirisi ulttyq valıýtanyń eki márte qunsyzdanýynyń tolqyny aldynda 2014 jylǵy kórsetkish deńgeıine tómendegen. Tórt aıda temirjolshylar buǵan deıingi jyldardaǵy kórsetkishten 16,7 mıllıard teńgege artyq, ıaǵnı 233,4 mıllıard teńge tabys tapty.

Ótken úsh jylda salanyń kiris mólsheri aıtarlyqtaı qysqardy, tómendeý kórsetkishi ásirese 2015 jyldyń basynda aıqyndaldy. Sol ýaqytta áýe tasymaldaýshylarynyń kirisi 2016 jyldyń qańtar-sáýir aılarymen salystyrǵanda 11 mıllıard teńgege artqan.

Temirjolshylar kirisiniń ósimi júk tasymaly belsendiginiń artýyna negizdelgen. 2017 jyldyń qańtar-sáýir aılarynda kásiporyn tasymaldaǵan júktiń jalpy kórsetkishi aldaǵy jyldardaǵy kórsetkishten 14% artyq - 115 mıllıard tonnany quraıdy. Osy rette, júk tasymalynan túsken kiris esebi 8%-ke artyp, 207 mıllıard teńgeni quraıdy.