Qazaqstan turǵyndary da Ohot teńiziniń alabynda bolǵan jer silkinisin sezindi
ALMATY. 24 mamyr. QazAqparat - Qazaqstan turǵyndary da Ohot teńiziniń alabynda bolǵan jer silkinisin sezindi, dep habarlady Qazaqstandyq málimetter ulttyq ortalyǵy.
Búgin, 24 mamyrda, Almaty ýaqytymen 11.45-te Ohot teńiziniń alabynda kúshti jer silkinisi boldy. Onyń koordınattary - 54,87 soltústik endikte, 153,33 shyǵys boılyqta. Jerasty dúmpýi oshaǵynyń tereńdigi - 600 shaqyrym. Jer silkinisi terbelisi Mw=8,2. Ol Reseıdiń úlken aýmaǵynda jáne basqa elderde sezildi. Qazaqstannyń kóptegen turǵyndary da jerasty dúmpýin sezdi.
Óskemen, Kýrchatov, Astana jáne eldiń basqa da eldi mekenderinde terbelis sezilip, aspaly shamdar, kartınalar terbeldi, jıhaz ishinde turǵan ydystar syldyrlady. Jer silkinisinen 5000 shaqyrymnan asa qashyqtyqtaǵy Almatynyń ózinde joǵarǵy qabattaǵy adamdar jer silkinisin sezdi.
Sondaı-aq bul jerasty dúmpýin Reseıdiń Máskeý, Sankt-Peterbor, Tómengi Novgorod turǵyndary da sezingeni týraly aqparattar bar.
