«Qazaqstan turǵyn úı kompanııasy» basshysynyń burynǵy orynbasary 72 mln teńge aıyppul tóleıdi

NUR-CULTAN. QazAqparat – «Qazaqstan turǵyn úı kompanııasy» AQ basqarma tóraǵasynyń burynǵy orynbasary para alǵany úshin 72 mln teńge aıyppul tóleıdi. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«12 sáýirde Nur-Sultan qalasy Esil aýdanynyń №2 aýdandyq soty «Qazaqstan turǵyn úı kompanııasy» AQ basqarma tóraǵasynyń orynbasary A. Óserbaev 72 mln teńge somasynda paranyń otyz eselergen mólsherindegi aıyppul tóleý jazasyna tartyldy. Ol bıylǵy 17 aqpanda «FN Menedjment» JShS dırektory Tájibaevtan 2,4 mln teńge somasynda para aldy degen kúdikke ilingen edi», - dedi Danııar Bekaıdarov onlaın rejımden ótken brıfıngide.

Atap aıtqanda, múlikti basqarý boıynsha uıymnyń qyzmet kórsetkeni týraly shart aıasynda oryndalǵan jumystar aktisine qol qoıǵany úshin para aldy degen kúdikke ilikti.

«Sonymen qatar, osy úkimmen «FN Menedjment» JShS dırektory Tájibaevqa qatysty 48 mln teńge somasyndaǵy aıyppul jazasy berildi», - dedi Bekaıdarov.

Eske sala keteıik, sáýir aıynyń basynda «Qazaqstan turǵyn úı kompanııasy» AQ basqarma tóraǵasynyń orynbasaryna qatysty qylmystyq is sotqa joldanǵany habarlanǵan edi.