Qazaqstan turǵyndarynyń banktegi salymdary 21,7 trln teńgeni qurady
ASTANA. KAZINFORM – 2024 jyldyń maýsym aıynyń sońynda Qazaqstan bankterindegi halyq salymdarynyń jalpy somasy 21,7 trln teńgeni qurady, dep habarlaıdy economy.kz.
2023 jyldyń jeltoqsan aıynyń sońynda bul kórsetkish 20,1 trln teńge boldy. Osylaısha, atalǵan aralyqtasalymdardyń jalpy kólemi 7,58%-ǵa ósti.
Halyq salymdarynyń negizgi úlesi ulttyq valıýtadaǵy merzimdi salymdarǵa tıesili. 2024 jyldyń qańtarynda teńgedegi merzimdi salymdardyń somasy 11,1 trln teńgeni qurady, 2024 jyldyń maýsym aıynyń sońynda bul soma 11,9 trln teńgege deıin ósti.
Shetel valıýtasyndaǵy merzimdi salymdar úlesi de aýqymdy. 2024 jyldyń qańtarynda shetel valıýtasyndaǵy merzimdi salymdardyń somasy 4,44 trln teńgeni qurady, 2024 jyldyń maýsym aıynyń sońynda bul soma 4,46 trln teńgege deıin ósti.
Ulttyq valıýtadaǵy salymdardyń oń dınamıkasy Qazaqstannyń ekonomıkasy men qarjy ınstıtýttaryna degen senimniń artqanyn kórsetedi. Sonymen qatar, shetel valıýtasyndaǵy salymdarǵa turaqty qyzyǵýshylyq baıqalady, bul halyqtyń táýekelderdi ártaraptandyrý jáne jınaqtaryn valıýta aýytqýlarynan jáne ınflıatsııadan qorǵaý nıetimen baılanysty bolýy múmkin.
