QTK Shymkentte ASYL TAS TK obektisi boıynsha kepildik bastalǵanyn habarlady
ASTANA. KAZINFORM — 2024 jylǵy 25 qyrkúıekte «Qazaqstan Turǵyn úı Kompanııasy» AQ Shymkent qalasy Qarataý aýdany Nurtas shaǵynaýdany, 5/3 (syrtqy ınjenerlik jelilersiz) 1-qabattaǵy kommertsııalyq obektiniń jáne kópqabatty turǵyn úıdiń qurylysy boıynsha kepildik jaǵdaıynyń bastalǵanyn jarııalady.
Kóppáterli turǵyn úıdiń qurylysyn aıaqtaý jáne turǵyn úı qurylysyna úlestik qatysý kepildigin berý týraly shart boıynsha úleskerler aldyndaǵy mindettemelerdi oryndaý maqsatynda kompanııa obektiniń qurylysyn qaıta bastaý úshin tıisti is-sharalarǵa kirisedi.
Anyqtama: 2023 jylǵy 6 naýryzda «Qazaqstan Turǵyn úı Kompanııasy» AQ turǵyn úı qurylysynyń biryńǵaı operatory («Báıterek „UBH“ AQ enshiles uıymy) „VVD-Qurylys“ JShS jáne Crystal Shymkent JShS-men „Shymkent qalasy Qarataý aýdany Nurtas shaǵynaýdany, 5/3 (syrtqy ınjenerlik jelilersiz) 1-qabattaǵy kommertsııalyq obektiniń jáne kópqabatty turǵyn úıdiń qurylysy“ obektisi boıynsha № DPG-23-13-055/132 kepildik berý týraly shart jasasty.
Nysan paıdalanýǵa 2024 jylǵy 8 qyrkúıekten keshiktirmeı berilýi tıis.
Qurylys salýshynyń ótinishteri negizinde 2023 jylǵy 8 jeltoqsan men 2024 jylǵy 8 qyrkúıek aralyǵynda biryńǵaı operator qurylys merzimderin uzartýdy úsh ret maquldady.
Qabyldanǵan sharalarǵa qaramastan, obektiniń qurylys barysynyń monıtorıngi paıdalanýǵa berý jáne qurylys-montajdaý jumystaryn aıaqtaý merzimderi boıynsha eleýli artta qalýshylyqty anyqtady.
Turǵyn úı qurylysyna úlestik qatysý týraly zańnyń normalaryna sáıkes kóppáterli turǵyn úıdi paıdalanýǵa qabyldaý merzimi buzylǵan jaǵdaıda Biryńǵaı operator kepildik berý jaǵdaıyn taný týraly sheshim qabyldaıdy.
