Qazaqstan týraly AQSh pen Eýropanyń áıgili teleshoýlarynda kórsetilmek
ASTANA. QazAqparat - Qazaqstan týraly baǵdarlamalar AQSh pen Eýropada áıgili teleshoýlarynan kórsetiletin boldy, dep habarlaıdy QazAqparat.
«Ózderińiz biletindeı, Mádenıet jáne sport mınıstrligi kınomatografııa týraly zańdy daıarlaý boıynsha birshama aýqymdy jumystardy atqarǵan bolatyn. Ótken jyly Qazaqstan Respýblıkasynyń Prezıdenti Nursultan Nazarbaevtyń AQSh-qa sapary barysynda Gollıvýdtyń meıdjor-stýdııalarynyń basshylarymen kezdesken bolatynbyz», - dep jazady Arystanbek Muhamedıuly Feısbýk paraqshasynda.
Mınıstrdiń aıtýynsha, qazirgi tańda Almatyǵa quramynda seksen adam bar amerıkalyq túsirilim toby kelip jetken.
«Sońǵy kúnderi bizdiń qala AQSh pen Eýropada áıgili teleshoýlar jumys júrgizip jatqan alyp túsirilim alańyna aınaldi. Olardy Sh.Aımanov atyndaǵy «Qazaqfılm» kınostýdııasy qarsy alýda. Belgili bir sebepterge baılanysty biz baǵdarlamalardyń ataýyn ázirge aıta almaımyz. Biraq, jýyq arada qaı arnadan qandaı baǵdarlamalar túsiriletini týraly biletin bolasyzdar. Qazaqstandaǵy shoýlardyń túsirilimi sátti ótti. Bul degenimiz kezekti márte bizdiń jergilikti kınematografısterdiń joǵary kásibılik deńgeıin kórsetedi», - deıdi ol.
Arystanbek Muhamedıuly atap ótkendeı, bul áristestik Qazaqstannyń kıno salasyna iri ınvestıtsııa salýǵa, sonymen birge týrızm salasyna serpin bermek.
«Teleekranǵa atalmysh baǵdarlamalar shyqqannan keıin Qazaqstanǵa degen qyzyǵýshylyq arta túserine senemin», - deıdi mınıstr.
