Qazaqstan turaqty áýe reısterin qalpyna keltiretin elderdiń tizimin uzartýda
NUR-SULTAN. QazAqparat – Qazaqstan turaqty halyqaralyq áýe reısterin qalpyna keltiretin elderdiń tizimin uzartýda. Bul týraly QR Densaýlyq saqtaý mınıstrliginiń kóliktegi bas sanıtarlyq dárigeri Sádýaqas Baıǵabylov málim etti, dep habarlaıdy QazAqparat tilshisi.
«Qazaqstan turaqty halyqaralyq áýe reısterin qalpyna keltiretin birinshi jáne ekinshi sanattaǵy memleketter tizimi uzartyldy», - dedi Sádýaqas Baıǵabylov OKQ-da ótken baspasóz máslıhatynda.
Onyń aıtýynsha, birinshi sanattaǵy elderge Majarstan, Úndistan, Germanııa, Chehııa, Malaızııa engizilgen.
«Birinshi sanattaǵy elderden keletin jolaýshylarǵa shekteýler joq. Budan buryn birinshi sanattaǵy memleketterge QHR, Ońústik Koreıa, Japonııa, Grýzııa men Taıland engen bolatyn. Al ekinshi sanattaǵy elderdiń tobyna Mysyr, Ýkraına, Polsha, Ózbekstan, Qyrǵyzstan, Tájikstan kirgizildi. Ekinshi sanattaǵy elderden keletin jolaýshylarǵa mynydaı shekteýler bar: KVI boıynsha anyqtama bolǵan jaǵdaıda – shekteý joq. Al eger anyqtama bolmasa olarǵa karantın qyzmetiniń mamandary 48 saǵattyń ishinde PTsR-testten ótýi kerektigi nemese 14 kúndik úı karantıni týraly eskertý beredi», - dedi Sádýaqas Baıǵabylov.
Anyqtama 5 táýlikke jaraıdy.
