Qazaqstan tumaýǵa qarsy 800 myń doza vaktsına satyp aldy

Bul týraly búgin Astanada juqpaly respıratorlyq vırýstyq ınfektsııa men tumaýdyń aldyn alý sharalaryna arnalǵan baspasóz máslıhatynda QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın habarlady.

«Qazan aıynan bastap, tegin vaktsınatsııalaý qaýipti toptarǵa júrgiziledi. Memlekettik bıýdjet esebinen tynys joldarynyń sozylmaly aýrýymen aýyratyn balalar, ınternattar men jetimder úıleriniń tárbıelenýshilerine, sonymen qatar medıtsına qyzmetkerlerine osy vaktsına egiledi», - dedi J.Bekshın.

Onyń aıtýynsha, vaktsınanyń esh qaýpi joq jáne ol tumaýdyń aldyn alýdyń eń tıimdi tásili.

Bas sanıtarlyq dáriger atap ótkendeı, byltyr 700 myń vaktsına satyp alynyp, 1 mln. 84 myń adam vaktsınatsııadan ótti. Al jyl saıyn tumaýmen syrqattanǵandardyń sany 1,2 mln. adamdy quraıdy. Bul shamamen halqymyzdyń 10 paıyzy.