Qazaqstan týmasyn AQSh bas bank retteýishi etip taǵaıyndamaq – BAQ
NUR-SULTAN. QazAqparat – AQSh prezıdenti Djo Baıden Kornel ýnıversıtetiniń bank quqyǵy professory, Qazaqstan týmasy Sáýle Omarovany AQSh-taǵy bank sektorynyń negizi retteýishi - Aqsha aınalymyn baqylaý basqarmasynyń basshysy (Office of the Comptroller of the Currency, OCC) etip taǵaıyndamaq. Bul týraly Bloomberg jazdy, dep habarlaıdy QazAqparat.
Basylymnyń derekkóziniń málimetinshe, Omarovanyń resmı kandıdatýrasy osy aptada usynylýy múmkin. Eger ol osy qyzmetke bekitilse, Qazaqstan týmasy 1863 jyly negizi qalanǵan bank retteýishin basqaratyn alǵashqy áıel bolady.
OCC - AQSh Qarjy mınıstrliginiń táýelsiz bólimshesi. Retteýshi 1200 trıllıon dollarlyq aktıvteri bar 14 bankti baqylaıdy, bul AQSh-tyń bank júıesiniń barlyq aktıvteriniń úshten ekisin quraıdy.
Sáýle Omarova Kornel ýnıversıtetiniń bank quqyǵy professory, MMÝ (1989), Vıskonsın ýnıversıtetiniń (1999) jáne Soltústik-Batys ýnıversıtetiniń (2001) túlegi, Zań salasynyń doktory. Qazaq, orys jáne aǵylshyn tilderin meńgergen.
Foto: twitter.com/STOmarova
