Qazaqstan týmasy óz ulyn reseılikke 1,5 mln. rýblge satpaqshy boldy
ASTANA. QazAqparat - Lıpetskte Qazaqstan týmasy balasy aýqatty otbasynda tárbıelengenin qalap, sonymen birge ózine úı satyp alý nıetimen úsh jasar balasyn 1,5 mıllıon rýblge satpaqshy bolǵan.
10 shildede Lıpetsk qalasynda Jeńis dańǵylynda keshke óz balasyn satpaqshy bolǵan kezde 24 jastaǵy Qazaqstan týmasy ustaldy. Er adam balasyn satatyny týraly ınternetke jarnama ornalastyrǵan.
«Jaýap alý kezinde ol tergeýshige ulynyń aýqatty otbasynda tárbıelengenin qalaǵandyqtan satqysy kelgenin aıtqan. Ótken jyly jazda anasy balasyn tastap ketip, otany - Qazaqstanǵa oralǵan. Ulyn satqannan alǵan aqshaǵa úı satyp almaqshy bolǵan», - dep jazady RIA Novostı.
