Qazaqstan týmasy Kalıfornııadaǵy órt týraly: Barlyǵy kúlge aınaldy
ASTANA. QazAqparat - AQSh-tyń Kalıfornııa shtatynda alapat orman órtine baılanysty tótenshe jaǵdaı jarııalandy. Kýágerler áleýmettik jelilerde oqıǵa ornynan alynǵan kadrlarmen bólisip jatyr, dep habarlaıdy QazAqparat.
«Bıyldyń ózinde birneshe ret osyndaı alapat órt boldy, Kalıfornııa úshin bul ádetki qubylysqa aınalǵan. Toqtaýsyz soqqan kúshti jel jaǵdaıdy qıyndata tústi, onyń ústine qazir aýa da óte qurǵaq bolyp tur», - deıdi Qazaqstan týmasy Evgenıı Kolesnıkov.
Onyń sózine qaraǵanda, keshe Los-Andjeles mańyndaǵy ózi turatyn Sherman-Oýks kúlge aınaldy.
Kalıfornııa shtatynyń gýbernatory Djerrı Braýn órtke qarsy kúreske búkil múmkindikter jumsalyp jatqanyn málimdedi.
BAQ-tyń málimetterine qaraǵanda, alapat órt Nıý-Iorktiń aýmaǵyndaı jerdi sharpyǵan. Sońǵy derekter boıynsha, Kalıfornııada orman órtinen 43 adam mert bolyp, keltirilgen zalal 3,3 mıllıard dollardan asyp jyǵylady.
Eske sala keteıik, buǵan deıin AQSh-tyń Kalıfornııa shtatyndaǵy orman órti saldarynan 27 myńnan asa turǵynnyń úılerin tastap shyǵýǵa májbúr bolǵandyǵy týraly habarlaǵan bolatynbyz. https://kaz.inform.kz/news/kaliforniyada-ort-27-myn-adam-evakuaciyalandy_a3093589
