Qazaqstan týmasy Baqtııardyń promoýterimen shart jasasty
ASTANA. QazAqparat - Orta salmaqta WBC men IBO tujyrymy boıynsha álem chempıony ulty nemis Krıstına Hammer (22-0, 10 KO) Salita Promotions promoýterlik kompanııasymen kelisimshart jasasty, dep habarlaıdy Sports.kz .
Krıstınanyń alǵashqy jekpe-jegi 12 qańtarda AQSh-ta Veron qalasynda (Nıý-Iork shtaty) ótedi. Salita Promotions kompanııasynyń ıesi burynǵy boksshy Dmıtrıı Salıta. Sondaı-aq, kompanııa birde bir ret jeńilmegen qazaqstandyq Baqtııar Eıýbovtyń múddesin qorǵaıdy, dep jazady WorldBoxingNews.net .
27 jastaǵy Hammer Qaraǵandy oblysynyń Novodolınka kentinde dúnıege kelgen. Bala kezinde ata-anasymen birge Germanııaǵa qonys aýdarǵan.
