Qazaqstan týmasy álemdik deńgeıdegi 50 daryndy fýtbolshynyń qataryna endi
NUR-SULTAN. QazAqparat – ÝEFA aldaǵy jyldyń jańalyǵyna aınalýy ábden múmkin 50 jas fýtbolshynyń tizimin usyndy. Tizimge túriktiń «Stambýl Bashakshehırinde» oınaıtyn Qazaqstannyń týmasy engen. Bul týraly QazAqparat .Sports.kz saıtyna silteme jasap habarlaıdy.
Talantty jas fýtbolshylardyń qataryna túriktiń «Stambýl Bashakshehırinde» oınaıtyn 17 jastaǵy Qazaqstannyń týmasy Ravıl Tagır bar.
«Sol aıaqty ortalyq qorǵaýshy 2020 jyldyń qyrkúıeginde «Altynordadan» «Bashakshehırge» aýysqan. Birtindep negizgi quramǵa kirip, qazirdiń ózinde jastar quramasynda oınap júr», - dep jazylǵan saıtta.
Eske sala ketsek, Tagır jańa klýbta alǵashqy oıynyn ótken jyldyń qarasha aıynda, Denızlısporǵa qarsy chempıonattyń sońǵy bes mınýtynda kórsetken.
