Qazaqstan týmalary Reseıde múgedek qyzdy asyrap alý úshin bıýrokratııalyq kedergilerden ótti
ASTANA. QazAqparat - Múgedek bolǵandyqtan, týǵan ata-anasy bas tartqan 4 jasar Elıa jańa otbasynyń tárbıesinde bolady. Ony qazirgi kezde Germanııada turyp jatqan qazaqstandyq otbasylyq jup alyp ketti, dep habarlaıdy 1tv.ru.
Qazaqstanda týylǵan, qazirgi kezde Germanııa azamattary bolyp tabylatyn Álı men ıÝlııa Beısenovter qyz balanyń janary baqyttan jaınaýy úshin úlken jol jasady. 2014 jyldyń naýryz aıynda olar Elıanyń taǵdyry týraly eriktilerden bildi. Qyz balanyń qolynyń aýyr patologııasy bar.
Qyz balamen ótken jyldyń jazynda birinshi ret tanysqannan keıin Beısenovter ony asyrap alý úshin qajetti qujattardy jınaýǵa kirisip ketti. Úsh el - Germanııa, Reseı jáne Qazaqstanda qaǵazdar daıyndaý úshin aılar ketti. Myńǵa jýyq paraq jınaldy. Aqyry Prımore bala asyraý organdary óz ruqsatyn bergende, jergilikti ólkelik sot kenet asyrap alýǵa bolmaıtyndyǵy týraly sheshim shyǵarǵan. Budan soń erli-zaıyptylar Reseıdiń Joǵarǵy sotyna apellıatsııa berdi. Óz kezeginde ol balany asyrap alýǵa ruqsat berdi.
Elıanyń ómiri ótken Ýssýrıısk balalar úıinde deni saý, biraq patologııamen týylǵan balalar tárbıelenýde.
«Qańtar aıynda Mıýnhen emhanasyna, sosyn taǵy basqasyna baramyz. Bizdiń problemalarymyzdy kosmetıkalyq túrde sheshe alamyz dep senemiz», - deıdi ıÝlııa Beısenova.
Endi olar sońǵy resmı qujattardy retke keltirýde. Otbasy Elıani asyrap alý týraly kýálikti aldy.
Erteń Beısenovterge Elıaniń sheteldik tólqujaty berilip, odan keıin otbasy Germanııaǵa jol tartady. Olar Mıýnhenge Jańa jyldyń aldynda jetýdi josparlap otyr.
