Qazaqstan týberkýlez derti boıynsha TMD jáne Eýropa elderi arasynda aldyńǵy orynda tur

Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Dınar Nóketaeva osylaı málim etti.

«2020 jylǵa deıingi Strategııalyq damý josparynyń negizgi maqsattarynyń biri densaýlyq saqtaý salasynda 2015 jylǵa qaraı elimizdegi týberkýlez aýrýyn 10 paıyzǵa, 2020 jylǵa qaraı 20 paıyzǵa deıin tómendetý mindeti qoıylǵan. Bul maqsatqa densaýlyq saqtaý nysandarynyń qurylysyn salý jáne qural-jabdyqtarmen qamtamasyz etý, mamandar daıyndaý men salaýatty ómir saltyn ustaný baǵytynda memlekettik sharalar keshenin iske asyrý arqyly jetýge bolady. Óıtkeni, búgingi kúni týberkýlezben aýyratyndar sany azaıdy degenimizben, bul másele áli ótkir jaǵdaıda tur», - deıdi depýtat. Onyń sózine qaraǵanda, elimizde sońǵy jyldary týberkýlez aýrýymen tirkelgenderdiń kórsetkishi birshama joǵary bolyp otyr. Ókinishke oraı Qazaqstan týberkýlez derti boıynsha TMD jáne Eýropa elderi arasynda aldyńǵy orynda tur.

«Ekologııalyq jaǵdaıdyń nasharlaýy, kóshi-qon protsesteri, turǵyndardyń ómir súrý deńgeıiniń tómendeýi, ótken jyldardaǵy densaýlyq saqtaý salasynyń jetkilikti qarjylandyrylmaýy, sonyń ishinde týberkýlezge qarsy is-sharalardyń tolyq júrgizilmeýi eldegi epıdemıologııalyq jaǵdaıdyń áldeqaıda nasharlaýyna alyp keldi. Eger buryn negizinen týberkýlezben áleýmettik jaǵdaıy tómen adamdar kóbirek aýyratyn bolsa, endi qazir aýqatty adamdardyń da osy dertke shaldyǵatyny anyqtalyp otyr. Sondyqtan búgingi tańda týberkýlezge qarsy is-sharalardyń barlyq deńgeıde keshendi túrde oryndalýy talap etiletini sózsiz», - dedi D. Nóketaeva. Budan bólek, depýtat Almaty oblysynyń Jambyl aýdanyndaǵy Qarakestek aýylynda 1932 jyldan beri jumys istep kele jatqan týberkýlez aýrýhanasynyń búgingi ahýalyna toqtala kele, nysannyń qaı qyrynyń da zaman talabyna saı emestigin atap ótti. «Bul ǵımarat kúrdeli jóndeýge de jatpaıdy. Jańa zamanǵa laıyqty 70 oryndyq aýdandyq aýrýhana keshenin salý qajet», - dedi ol.