Qazaqstan tsıfrlyq ınfraqurylymdy damytýdyń jańa kezeńine qadam basty – vıtse-mınıstr

EREVAN. KAZINFORM – Qazaqstan tsıfrlyq ınfraqurylymdy damytýdyń jańa kezeńine qadam basty. Bul týraly Erevanda ótken Digitec-2026 konferentsııasyna qatysqan QR Jasandy ıntellekt jáne tsıfrlyq damý vıtse-mınıstri Bahtııar Muhametqalıev aıtty, dep habarlaıdy Kazinform agenttiginiń Erevandaǵy menshikti tilshisi.

p
Foto: Álıhan Asqar/Kazinform

Sóz basynda vıtse-mınıstr elimizde barlyq salaǵa tehnologııalyq sheshimderdi engizý arqyly ónimdilik pen tıimdilikti arttyrýǵa basymdyq berilip jatqanyn atap ótti.

- Qazaqstan aýmaǵy jaǵynan álemdegi iri memleketterdiń biri ári tabıǵı resýrstarǵa baı el. Energetıkalyq áleýetimiz de joǵary. Osy múmkindikterdi tıimdi paıdalaný – aldymyzda turǵan mańyzdy mindetterdiń biri. Búginde biz tsıfrlyq ınfraqurylymdy damytýdyń jańa kezeńine qadam bastyq. Atap aıtqanda, 2025 jyly Ortalyq Azııadaǵy eń iri eki sýperkompıýterdi iske qostyq. Onyń biri bizdiń mınıstrliktiń basqarýynda. Ol álemdegi eń qýatty 500 sýperkompıýterdiń reıtıngisinde 86-orynda. Ekinshi sýperkompıýter ulttyq operatorymyz – «Qazaqtelekom» kompanııasynyń basqarýynda, - dedi vedomstvo ókili.

a
Foto: Álıhan Asqar/Kazinform

Bul rette osy jyldyń sońyna deıin úshinshi sýperkompıýterdi iske qosý josparlanyp otyr.

- Bul sýperkompıýter elimizdiń ishki qajettilikterin qamtamasyz etýge baǵyttalǵan. Sebebi bizde memlekettik tsıfrlyq platforma jumys isteıdi. Búginde bul platforma álemdik reıtıngte alǵashqy toǵyzdyqtyń qatarynda jáne 1300-den astam memlekettik qyzmetti onlaın formatta usynady. Sonymen qatar biz osy qyzmetterdi transformatsııalaýymyz qajet. Máselen, buryn azamattar qajetti qyzmetterdi alý úshin veb-portaldarǵa nemese mobıldi qosymshalarǵa ózderi tirkelip, qajetti aqparatty engizýge májbúr bolatyn. Al búginde biz memlekettik qyzmetterdi proaktıvti formatqa kóshirip jatyrmyz. ıAǵnı, turǵyndar ózderi ótinish bermeı-aq, qajetti memlekettik qyzmetterdi aldyn ala alýyna múmkindik beretin júıeni qalyptastyryp jatyrmyz, - dedi Bahtııar Muhametqalıev.

Konferentsııa barysynda vıtse-mınıstr atalǵan salada armıan tarapymen yntymaqtastyqty tereńdetýge múddeli ekenin málimdedi. Onyń pikirinshe, bul baǵytta tabysty yqpaldastyq ornatý úshin aldymen berik negiz qalyptastyrý mańyzdy.

ch
Foto: Álıhan Asqar/Kazinform

Aıta keteıik, 20-22 qarasha aralyǵynda Erevanda Digitec-2026 konferentsııasy men kórmesi ótti. Aýqymdy is-sharaǵa shet memleketterden 30 myńnan astam adam, 220-ǵa jýyq kompanııa qatysty. Sala sarapshylary jasandy ıntellektini damytý men ony túrli sektorlarǵa tıimdi engizý taqyryptarynda pikir almasyp, birlesken jobalardy iske asyrý múmkindikterin talqylaýda.