Qazaqstan tsıfrlyq básekege qabilettilik reıtınginde TOP-35 eldiń qataryna endi

IMD World Digital Competitiveness 2024 halyqaralyq reıtınginiń derekterine sáıkes, Qazaqstan álemniń 67 eli ishinde 34-orynǵa turaqtap, tsıfrlyq básekege qabilettilik salasyndaǵy óz pozıtsııasyn saqtap qaldy.

Bul reıtıng elderdiń tsıfrlyq tehnologııalardy damytyp, olardy ekonomıkalyq transformatsııany jedeldetý men azamattardyń ómir súrý sapasyn arttyrý úshin qoldaný qabiletin baǵalaıdy.

Negizgi baǵyttar boıynsha:

• Bilim jáne adamı kapıtal – 33-oryn (tsıfrlyq daǵdylar, kadr daıarlaý, ǵylym);

• Tehnologııalyq damý – 46-oryn (retteýshilik, ınvestıtsııa, ınfraqurylym);

• Bolashaqqa daıyndyq – 27-oryn (bıznes ıkemdiligi, eGov, ІT-ge beıimdelý).

Qazaqstannyń kúshti tustary:

• Tsıfrlyq bıznesterdi iske qosýǵa joǵary daıyndyq;

• Elektrondy memlekettik qyzmetterdiń keńinen engizilýi;

• Telekommýnıkatsııa jáne ІT ınfraqurylymynyń damýy.

Basym baǵyttar:

• Tsıfrlyq daǵdylar men jasandy ıntellekt boıynsha bilim berýdi damytý (AI People, AI Qyzmet, Tomorrow School baǵdarlamalary);

• Jasandy ıntellekt pen derbes derekterdi qorǵaý salasyndaǵy normatıvtik bazany kúsheıtý;

• Derekter ortalyqtaryn salý, tsıfrlyq platformalar men startaptarǵa arnalǵan ekojúıeni iske qosý.

Aıta keteıik, Qazaqstan bilim berý baǵdarlamalarynan bastap sýperHQKO-lar men ulttyq jasandy ıntellekt platformasyna deıingi «tsıfrlyq memleket» ınfraqurylymyn dáıekti túrde qalyptastyryp, Ortalyq Azııa óńirinde tsıfrlyq kóshbasshylyqqa umtylýda.

Ádilet mınıstrligi tsıfrlyq sot oryndaýshy júıesiniń alǵashqy nátıjelerin tanystyrdy.