Qazaqstan tsıfrlandyrý boıynsha aımaqta ǵana emes, álem boıynsha aldyńǵy qatarda keledi - Tamash Shýıok

ASTANA. KAZINFORM - Majarstan Prezıdenti baspasóz brıfıngi barysynda elder arasynda tyǵyz saıası baılanys ornaǵanyn, saýda-ekonomıkalyq yntymaqtastyq dáıekti túrde damyp kele jatqanyn jáne tsıfrlandyrý salasyndaǵy yqpaldastyq perspektıvasyn atap ótti.

– Biz Qazaqstandaǵy tsıfrlandyrý úderisin jiti qadaǵalap otyrmyz. Óıtkeni sizdiń el bul máselede aımaqta ǵana emes, álem boıynsha aldyńǵy qatarda keledi. Biz Qazaqstandy atalǵan mańyzdy baǵyttaǵy bedeldi seriktes sanaımyz jáne yntymaqtastyǵymyzdy damytýǵa úmittimiz. Majar-qazaq baılanystarynyń áleýeti zor. Prezıdent retinde muny iske asyrýǵa tolyq qoldaý kórsetemin, – dedi Tamash Shýıok.

Osyǵan deıin Qazaqstan men Majarstan halyqaralyq deńgeıde birlese jumys isteýge keliskeni týraly jazdyq.

Aıta keteıik, Qasym-Jomart Toqaev Majarstan Prezıdentin Aqordada qarsy aldy.