Qazaqstan Troıtsk GRES-iniń Qostanaı oblysyndaǵy kúl saqtaý ornyn paıdalaný merzimin 2012 jyldan ári uzartpaıdy
ASTANA. 28 sáýir. QazAqparat /Gúlmıra Álıakparova/ - Qazaqstan Troıtsk GRES-iniń (Reseı) Qostanaı oblysyndaǵy kúl saqtaý ornyn paıdalaný merzimin 2012 jyldan ári uzartpaıdy. Bul týraly búgin onlaın-konferentsııa barysynda QR Qorshaǵan ortany qorǵaý mınıstri Nurǵalı Áshimov aıtty.
«2012 jyldan keıin biz: «Troıtsk GRES-i jumysyn toqtatý, nemese toqtatpaýdy ózderińiz sheshińizder. Reseı aýmaǵynda kúl saqtaý ornyn salýǵa ýáde etken bolatynsyzdar, endi sony salyp, paıdalanyńyzdar», dep aıtpaqpyz, - dedi mınıstr.
QOQM-nyń basshysy atap kórsetkendeı, 2003 jylǵy úkimetaralyq kelisimge sáıkes, reseılikter ózderine kúl saqtaý ornyn Chelıabi oblysynda salýy tıis bolatyn jáne ruqsat 2012 jylǵa deıin uzartylǵan.
Troıtsk GRES-i Chelıabi oblysynyń Troıtsk qalasynda ornalasqan. 1980 jyldan beri Troıtsk GRES-iniń kúli Qostanaı oblysy Qarabalyq aýdanynda ornalasqan Shubarkól ózeniniń boıyndaǵy bazada saqtalýda. Onda 70 mln.-ǵa jýyq kúl jınaqtaldy.
Mınıstrdiń atap ótýinshe, Troıtsk GRES-iniń aýaǵa shyǵaryp otyrǵan kúliniń kólemi ekologııalyq standarttardan asyp otyrǵan joq
