«Qazaqstan» TRK jańa maýsymnyń jobalary týraly habardar etedi

Kúıki  tirshiliktiń qamyna kirisip kógildir ekrannan alystap qalǵan aǵaıyndy arnamyz nesimen qýanta alady? Bul suraqtyń jaýabyn bizge qosylǵan kórermen kóp uzamaı tabary haq. Al eger mızan aıyna qandaı da bir  josparyńyz bolsa, tez arada sheshýge asyǵyńyz.  Sebebi Qazaqstan Ulttyq arnasy kópshilik qaýymmen buryn sońdy bolmaǵan jańa qarqynmen qaýyshady. Eriksiz elitip áketetin  erekshe lepke toly bazarlyǵymyzdan qapy qalyp qoımańyz. «Qazaqstan» Ulttyq  telearnasy,  jańa maýsymda óz kórermenderine qyzyqty da aýqymdy jańa tok-shoýlar, mazmundy, tanymdyq, saraptamalyq baǵdarlamalar men arnaıy telejobalar usynady. Qyrkúıek aıynda  Otandyq jáne sheteldik kınokompanııalardan shyqqan, ár taqyryptaǵy telehıkaıalar men ár túrli janrdaǵy  kınotýyndylar men derekti fılmder jaryqqa shyǵady! Eńkeıgen káriden eńbektegen balaǵa deıin  qyzyǵa qarap, kóńilderinen shyǵatyn, janyna jaqyn dúnıeler tabylady degen oıdamyz.  Qalyptasqan kórermenderimizdiń qatary, jańa kórermendermen de tolysady degen senimdemiz!

JAŃA JOBALAR

«Namys doda» - megajobasynyń tusaýkeseri.  Álemdik deńgeıdegi telejobada Qazaqstan osymen ekinshi ret olımpııalyq oıyndarǵa qatysty.  Bul qyzyqty baǵdarlamanyń ıdeıasy Frantsııanyń burynǵy prezıdenti Sharl de Goll ge jatady.  Ol osy oıyndar arqyly halyqtar dostastyǵy men elder arasyndaǵy birlikti  nyǵaıtýdy kózdegen. Adamnyń kúsh-jigeri  men psıhologııalyq múmkindikteri synalatyn baıqaý men oıyn-saýyq kórinisteri ózara úılesim tapqan, barlyq otbasy múshelerine arnalǵan shoý  qarapaıym da, jeńil, ázil-ospaqqa toly baıqaýlardyń kómegimen júzege asady .

«Aıtýǵa ońaı» -jańa tok shoý «Qazaqstan» Ulttyq telearnasynda!  Bul baǵdarlama halyqtyń kókeıinde júrgen ózekti taqyryptardy, jekelegen oqıǵalardan bastap, memlekettik deńgeıdegi máselelerdi tilge tıek etip, talqyǵa salmaq.  Degenmen aıtýǵa ońaı, al kim áreketke bel býad?

Mýzyka qashanda ulttyq sanany qalyptastyryp, ósip kele jatqan jas urpaqqa rýhanı tálim tárbıe beretin salalardyń biri. Sol sebepti urpaqtan urpaqqa daryǵan dástúrli qazaq ánderimizdi umytpaı, ulttyq ónerimizdi dáripteı bileıik aǵaıyn!  Endeshe Qazaqtyń ulttyq áýenderi men ánderin nasıhattaıtyn - «Dedimaı-aý»  mýzykalyq baǵdarlamasyna nazar aýdaryńyz!

Álem elderine saıahat...  Qaı eldi tańdasaq eken? qaıda barǵan qolaıly da qyzyqty? Bul sóz qanshalyqty qulaqqa jaǵymdy bolǵanymen,  óz kózimen kórgenge ne jetsin.... Biraq tórtkúl dúnıeni aralaýǵa keıde bos ýaqyt tabyla  bermeıdi.    Eger sizderge  ózge eldiń mádenıeti men salt dástúri qyzyqtyratyn bolsa  «Jıhankez» - tanymdyq baǵdarlamasyn  tamashalańyzdar!

QAZІRGІ TAŃDA ShYǴYP JATQAN BAǴDARLAMALAR

Qazaqstan Qarýly Kúshteriniń qýatyn, mártebesin, kúndelikti tynys-tirshiligi men, atqarǵan is, jetken jetistikterimen tanystyryp qana qoımaı, jastar arasyndaǵy otansúıgishtik qasıetterdi qalyptastyratyn «Aqsaýyt»  patrıottyq rýhty damytýǵa baǵyttalǵan áskerı-patrıottyq baǵdarlama.

«Sottyń úkimi shyqqan qylmystardy áshkerelep, quqyq qorǵaý qyzmetkerleriniń jumysyn nısıhattaıtyn baǵdarlama -   «Qylmys pen jaza».

«Elim meniń» - elimizdiń tarıhyn, mádenıetin, salt-dástúrin, ádet-ǵurpyn zertteýde jastarǵa úlgi, tálim-tárbıe berip, bilim órisin keńeıtetin habar. Teleoıynǵa ekı top qatysyp barlyq suraqtarǵa jaýap izdeıdi.

«Ǵıbratty ǵumyr» - ádebıet, óner, mádenıet, saıasat, áleýmettik salalarda el-jurtqa tanylǵan, tuǵyryna qonǵan kózi tiri qoǵam qaıratkerleri, tulǵalar týraly derekti jelilik fılm.   

«Án-jumbaq» sazdy oıyn-saýybaǵdarlamasy kútedi. Bizben birge án shyrqap, án emtıhanyn birge tapsyrasyz.

«Halyq tańdaýy» - tutynýshyny sapaly taýardy tańdaýǵa úıretetin tutynýshy habary.

Kórermenge jol tartatyn  «Damý» baǵdarlamasynda  Qazaqstandaǵy údemeli ındýstrıaldy-ınnovatsııalyq jobalardy júzege asyrýdyń joldary talqylanady..

Densaýlyq saqtaý júıesi mamandarynyń biliktiligi men salaýatty ómir saltyn nasıhattaıtyn baǵdarlama  «Daýa» -  teleemhanasy.

«Tolaǵaı» - elimizdiń barlyq aımaqtarynan keletin otbasylardyń atsalysýymen ótetin tárbıelik mańyzy zor salaýatty ómir saltyn nasıhattaıtyn  oıyn-saýyqtyq baǵdarlama.

QAZAQSTANDYQ TELESERIALDARYNYŃ  TUSAÝKESERІ

Kınosúıer qaýymdy osy maýsymda jańa serıaldarmen qýanta alamyz!

 «Áýe qyrandary»

Telehıkaıa  negizinde  Qazaqstan áskerinniń  qazirgi bet-beınesi men tynys-tirshiligi  sýrettelgen.    Serıaldyń maqsaty - qazaqstandyq áskerı ómirdiń aşysy men tuşysyn, kúndelikti ómirdegi qyzyǵy men jetistikterin kórsetý. Elimizdiń ár túkpirinen kelgen jigitterdiń túrli minez ben ómirlik kózqarastyń toǵysqan jeri - ásker qatarynda temir tártiptiń nátıjesinde naǵyz Qazaqstan azamaty bolyp qalyptasýy baıandalady.

Qazaqstandyq ónim, «Sataıfılm» kınokompanııasynyń týyndysy «Paryz» serıaly    

Polıtsııanyń halyq tynyshtyǵyn kúzetý jolyndaǵy kúndelikti qaýyrt ta mazasyz qyzmetin nasıhattaıtyn telehıkaıa. Munda belgili bir toptyń, ıaǵnı zań qyzmetinde qyzmet etip júrgen ujymnyń jumysy men tynys-tirshiligi sýretteledi.  Olardyń qarapaıym adamdardan esh aıyrmashylyǵy joq...Biraq kúnde qylmyspen kúresýge attanady.

Komedııa janryn jaqsy kóretin kórermenderimizge usynar syıymyz bar, ol «Úı artynda kisi bar» telehıkaıasy

Negizgi keıipkerleri - qazaq januıasy. Olar barlyq januıa ataýly shaldyǵatyn «otbasylyq krızıske» birlesken ómiriniń jetinshi jylynda kelip tireledi. Mine, osyndaı dertke shaldyqqan otbasymyzdy «jyǵylǵanǵa judyryq bolyp», minezderiniń ártúrliligi de shytynata bastaıdy

Qazirgi tańda túrik serıaldary  zor tanymaldyqqa ıe bolyp jatyr.

Bul rette  sizderge usynylatyn teleserıalymyzdyń  biri «Qaıta búr jarǵan shynar»

Ómirdiń aşy-tuşysyn emip,  qaıǵy men muńǵa batyp, qatal taǵdyrǵa qarsy turǵan qaısar jan týraly telehıkaıany jiberip almańyz!

Kúz jalǵyz kelmeıdi... Ol sizderdiń úılerińizge «Qazaqstan» Ulttyq arnasymen birge keledi!

Kúzdiń salqyn keshterinde,  teledıdar aldynda býkil januıańyzben birge otyryp,  janyńyzǵa  jylý beretin, kóńilińizge árdaıym mereke syılaıtyn «Qazaqstan» Ulttyq telearnasymen birge bolyńyz!