Qazaqstan trıatlonnan jasóspirimder arasyndaǵy Azııa chempıonatynda eki medal jeńip aldy
ASTANA. KAZINFORM – Qazaqstan quramasy trıatlonnan Gonkongta ótip jatqan jasóspirimder arasyndaǵy Azııa chempıonatynda altyn medal jeńip aldy.
Qyzdar arasyndaǵy jarysta jeńis tuǵyrynyń eń bıik satysyna Dıana Erjanova kóterildi. Sportshy qashyqtyqty 01:01:59 ýaqyt nátıjesimen eńserdi.
Ekinshi oryndy Kanade Sýgıýra (Japonııa) ıelendi - 01:02:16. Al Pak So Yn (Ońtústik Koreıa) 01:02:43 ýaqyt nátıjesimen úshinshi bolyp márege jetti.
QR UOK málimetinshe, uldar arasynda Ramazan Áınegov 55:39 ýaqyt nátıjesimen qola medal jeńip aldy. Japonııalyq Konosýke Ýchıda birinshi oryn aldy - 55:22. Onyń komandalasy Daıkı Nıshızakı ekinshi orynǵa turaqtady - 55:34.
Qazaqstan fýtbol federatsııasy FIFA Series týrnıri jaıly aqparat jarııalady.
