Qazaqstan trıatlonnan Azııa chempıonatynda eki medal jeńip aldy

ASTANA. KAZINFORM – Qazaqstan quramasy trıatlonnan Iordanııanyń Akaba qalasynda ótken U19 jáne U23 jas sanattaryndaǵy Azııa chempıonatynda eki medal ıelendi.

QR UOK málimetinshe, erler arasynda U23 sanatynda Egor Krýpıakov úshinshi oryn alyp, qola júldeger atandy. Aleksandr Ten tórtinshi, Arlan Jańabaı besinshi, al Maksım Shmýlıch altynshy orynǵa taban tiredi.

U19 sanatynda Elmurat Qanaı besinshi nátıje kórsetti, Qýanysh Bekenov jetinshi, Ilııa Krýplıakov 13-orynǵa ıe boldy (Astana). Dıana Erjanova U19 jas sanatynda qola medal jeńip aldy.

Aıta keteıik, Malaızııanyń Kampar qalasynda ótip jatqan trıatlonnan jastar arasyndaǵy Azııa kýbogynda Qazaqstan quramasy eki medalǵa qol jetkizdi.

Daryn Qonysbaev trıatlonnan Azııa kýbogynda chempıon atandy.