Qazaqstan Trentınodaǵy Ýnıversıadada jalpy komandalyq esepte 15-shi orynǵa ıe boldy
ASTANA. 22 jeltoqsan. QazAqparat - Italııanyń Trentıno provıntsııasynda XXVI Búkilálemdik qysqy ýnıversıada aıaqtaldy, dep habarlady Sports.kz.
Medaldar esebi boıynsha 50 medalǵa (15 altyn, 16 - kúmis jáne 19 - qola) ıe bolǵan Reseılik ókilder senimdi jeńiske jetti, ekinshi orynda polıak sportshylary - 23 (10,10,3), úshinshi oryndaǵy Ońtústik Koreıa komandasy - 24 (8,9,7), polıaktarǵa «altynnyń» jalpy sanynan jol berdi.
Qazaqstandyq stýdentter on besinshi orynǵa (30 qurama arasynda) taban tiredi, olardyń esebinde 5 marapat (2 altyn, 2 kúmis, 1 qola medal) bar. Júldeli oryndardyń jalpy sany boıynsha qazaqstandyqtar slovaktarmen 14-shi oryndy bólisti.
Eske sala keteıik, bul Ýnıversıadada qazaqstandyq komanda qorjynyna shańǵy jarysynda Tatıana Osıpova men aǵaıyndy Malyshevterdiń (Aleksandr jáne Sergeı), Gennadıı Matvıenko men Mark Starostınniń erler estafetalyq kvarteti «altyn» saldy, kúmis júldege de sol Mark Starostın men hokkeıden erler quramasy qol jetkizdi, al «qola» júldeni Olga Mandryka, Marına Matrosova jáne Tatıana Osıpova úshtigi áıelder estafetasy áperdi.
