Qazaqstan tranzıttik áleýetin arttyrýǵa basymdyq bermek
ASTANA. KAZINFORM — Premer-mınıstr Oljas Bektenov Memleket basshysynyń ulttyq júk áýe kompanııasyn damytý, sondaı-aq teńiz jáne temirjol tasymaldaryn ulǵaıtý boıynsha tapsyrmalaryn oryndaý máseleleri jóninde keńes ótkizdi. Bul týraly Úkimet málim etti.
Jıynda Kólik mınıstrliginiń, «Samuryq-Qazyna» UÁQ, «Qazaqstan temir joly» UK» jáne Turlov Private Holding júk áýe kompanııasynyń jumysyn uıymdastyrý jáne onyń turaqty damýyn qamtamasyz etý jónindegi tásilderi tyńdaldy.
— Tranzıttik júk haby retinde Qytaı — Qazaqstan — Batys Eýropa baǵyty boıynsha qolaıly jaǵdaı jasaý úshin áýe kemelerin kezeń-kezeńimen shyǵarýdy, básekelestik quny boıynsha avıaotynmen qamtamasyz etýdi qosa alǵanda, operatsııalyq qyzmetti jedel iske qosý máseleleri qaraldy. Іlespe ınfraqurylymdy damytýǵa, onyń ishinde áýejaı qýatyn, júk termınaldaryn, qoıma logıstıkasyna nazar aýdaryldy, — delingen habarlamada.
Sonymen qatar Ortalyq Azııa óńirinen Kavkazǵa jáne Batys Eýropa elderine tasymaldaý kólemin ulǵaıtý úshin qazaqstandyq «Aqtaý» jáne «Quryq» teńiz porttaryn tıeý sharalary talqylandy.
Temirjol salasy boıynsha ótkizý qabiletin arttyrý, sondaı-aq tarıftik saıasatty jetildirý úshin ınfraqurylymdy odan ári jańǵyrtý jáne qazaqstandyq temirjol jelisin damytý josparlary aıtyldy.
Keńes qorytyndysy boıynsha Premer-mınıstr birqatar tapsyrma berdi.
Buǵan deıin Oljas Bektenov «Taza Qazaqstan» aıasynda ekotýrızm men volonterlik qozǵalysty kúsheıtýdi tapsyrdy.
