Qazaqstan transshekaralyq ózenderdiń sýyn paıdalanýdy halyqaralyq konventsııa aıasynda sheshedi
ASTANA. KAZINFORM — QR Sý resýrstary jáne ırrıgatsııa mınıstrligi Halyqaralyq sý aǵyndarynyń keme júrmeıtin túrlerin paıdalaný quqyǵy týraly konventsııa aıasynda transshekaralyq ózenderdiń sýyn birlesip paıdalaný máselesin sheshýge nıetti.
Qazaqstan 2024 jyly atalǵan konventsııaǵa qosyldy.
Konventsııa transshekaralyq ózenderdegi sýdyń ádil bólinýin qamtamasyz etetin jáne ony paıdalanýdy retteıtin halyqaralyq qujat sanalady.
Halyqaralyq kelisim sý bólýge qatysty yqtımal daýlardy sheshý úshin jáne barlyq taraptyń múddesine saı sý resýrstaryn damytýǵa memleketter arasyndaǵy yntymaqtastyq tetikterin jasaıdy.
Konventsııaǵa sáıkes sý aǵyny memleketi óz aýmaǵynda halyqaralyq sý aǵynyn paıdalaný kezinde basqa memleketterge zııan keltirýmeý úshin tıisti is-sharalardy qabyldaıdy. Sondaı-aq sý aǵyny, sýdyń sapasy jáne tıisti boljamdar týraly qoljetimdi derektermen turaqty negizde bólisedi. Budan bólek, sý aǵyny memleketteri bir-birine keńes beredi, josparlanǵan is-sharalardyń halyqaralyq sý aǵynyna áseri týraly kelissóz júrgizedi.
