Qazaqstan tóreshiler korpýsynyń basshysy otstavkaǵa ketti

Bul jaıynda «Alaman» sport agenttigi habarlap otyr.

Qazaqstan qazylarynyń basshysy «Tobyl» men «Taraz» arasyndaǵy oıynnan keıin oryn alǵan daýdan soń ornynan ketti. Al osy matchta tórelik etken tóreshi Sergeı Pasko ómir boıy tóreshilik qyzmetten ketti. Jáne onyń ústinen qylmystyq is qozǵalýy múmkin.

Budan buryn habarlanǵandaı, «Tobyl-Taraz» arasyndaǵy matchtyń qorytyndylaryn teriske shyǵarý jónindegi Qazaqstan Fýtbol Federatsııasynyń sheshimi ÝEFA jáne FIFA erejelerine qarama-qaıshy, dep málimdedi «Taraz» klýbynyń prezıdenti Talǵat Apsamatov.

24 qyrkúıekte el chempıonaty aıasynda «Tobyl» - «Taraz» matchynda qonaqtar 0:1 esebimen jeńdi. Alaıda qostanaılyqtar tóreshilik etýge baılanysty qarsylyq bildirdi. Olar ózderiniń qaqpasyna dop soqqan tarazdyq fýtbolshy Abdýlla Dıakateniń penaltıin ádiletsiz dep baǵalady. Matchtyń sońynda tóreshi Sergeı Pasko «oıynnan tysqary» «Tarazdyń» qaqpasyna kirgen goldy esepke almady.

Tóreshiler komıteti tóreshini ádiletsiz dep tanyp, arbıtrdi oıynnan ómir boıy, al laınsmendi maýsymnyń aıaǵyna deıin shektep, alastatty. Kezdesýdiń qorytyndylary esepke alynbaı, joqqa shyǵaryldy.

«Taraz» FK Federatsııada óz quqyqtaryn qorǵaıtyndyqtaryn aıtty.

«Oıyndaǵy 3 kórinisti júz paıyz durys deý qıyn. Degenmen tóreshiniń bundaı sheshim qabyldaýyna quqysy bar. Sol kúni-aq «qısynsyz» syltaýlardy taýyp alýǵa bolýshy edi, alaıda qostanaılyqtar oıynnyń barysynda bolǵan 3 ádiletsiz jaǵdaıǵa ǵana qarsylyq bildirdi. Oıyn tóreshisi buny da elemedi. Biz oıyn ıeleriniń tarapynan jasalǵan basqa da kóptegen buzýshylyqtardy kórsetip, aýyz toltyryp aıta alamyz», - dedi T. Apsamatov oryn alǵan jaǵdaıǵa qatysty pikirinde.

Kezdesýdiń qorytyndylaryn joqqa shyǵarý jónindegi sheshim tarazdyq fýtbol jankúıerleriniń ashý-yzasyn týdyrdy.

Ulttyq fýtbol lıgasy «Tobyl-Taraz» premer-lıgasynyń 23-týryn ótkizý kúnin aǵymdaǵy jyldyń 24 qazanyna belgiledi.