Qazaqstan tóraǵalyǵymen TMD Syrtqy ister mınıstrleri keńesiniń otyrysy ótti

ASTANA. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdiniń tóraǵalyǵymen Táýelsiz Memleketter Dostastyǵy Syrtqy ister mınıstrleri keńesiniń kezekti otyrysy ótti. QazAqparat bul týraly QR SІM málimetine silteme jasap habarlaıdy.

Іs-sharaǵa Armenııa, Ázerbaıjan, Belarýs, Qyrǵyzstan, Ózbekstan, Reseı, Tájikstan men Túrikmenstan syrtqy ister mınıstrleri qatysty.

Qatysýshylar TMD sheńberindegi syrtqy saıası vedomstvolar jelisi boıynsha yntymaqtastyqty tereńdetý máselelerin, sondaı-aq óńirlik jáne halyqaralyq kún tártibiniń ózekti aspektilerin talqylady.

Otyrys qorytyndysy boıynsha Dostastyq alańyndaǵy ózara is-qımyldy tereńdetýge baǵyttalǵan birqatar sheshimder qabyldandy.

Syrtqy ister mınıstrleri bıylǵy 14 qazanynda Qazaqstan astanasynda ótetin TMD Sammıtinde memleket basshylarynyń qaraýyna shyǵarylatyn qujattardyń jobalaryn kelisti.