Qazaqstan Tómen baıytylǵan ýran bankin qurýǵa 400 myń dollar jarna qosty
ASTANA. QazAqparat - Qazaqstan Tómen baıytylǵan ýran bankin qurýǵa 400 myń dollar jarna qosty, dep habarlaıdy QazAqparat.
Mundaı málimet QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń keńeıtilgen otyrysynda talqylanyp jatqan «QR Úkimeti men Atom energııasy jónindegi halyqaralyq agentik arasyndaǵy Qazaqstan Respýbılkasynda Atom energııasy jónindegi halyqaralyq agenttiktiń Tómen baıytylǵan ýran bankin qurý týraly kelisimdi ratıfıkatsııalaý týraly» QR zańynyń jobasy qatysty elimizdiń Energetıka mınıstrligi taratqan materıalda aıtylǵan.
«MAGATE tómen baıytylǵan ýran banki jobasyn júzege asyrý úshin kelesi jarnalar aldy: ıAdrolyq qaýip-qaterge qarsy bastamadan 50 mln dollar, AQSh Úkimetinen 49 mln dollar, Eýropa odaǵynan 25 mln eýro (fızıkalyq qaýipsizdik júıeni jańartýǵa 5 mln eýrony qosa alǵanda), Birikken Arab Ámirlikterinen 10 mln dollar, Kýveıtten 10 mln dollar, Norvegııadan 5 mln dollar, Qazaqstannan qosymsha zattaı jarnalar, MAGATE Tómen baıytylǵan ýran bankin ustaý shyǵyndaryn qosa alǵanda 400 myń dollar», - delingen taratylǵan aqparatta.
Zań jobasy boıynsha negizgi baıandama jasaǵan QR Energetıka vıtse-mınıstri Baqytjan Jaqsalıevtiń aıtýynsha, tómen baıytylǵan ýran Úlbi metallýrgııalyq zaýytynda geksavtorıd túrinde konteınerler men tsılındırlerde eýropalyq 30V standarttaryna saı saqtalady. Geksaftorıd degenimiz alty ftorly ýran jáne qatty ári 70 gradýs temperatýrada gaz kúıinde bolady.
Esterińizge sala ketsek, 2015 jyldyń 27 sáýirinde Qazaqstan Úkimeti óz qaýlysymen elimizde MAGATE-niń Tómen baıytylǵan ýran bankin «Úlbi metallýrgııalyq zaýyty» AQ-ynda ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarabynan Erlan Yydyrsov pen MAGATE-niń bas dırektory ıÝkııa Amano qol qoıǵan edi.
