Qazaqstan tólqujaty - saıahattardyń álemdik reıtınginde
ASTANA. QazAqparat - Global Passport Power Rank 2018 saıahattaýǵa tıimdi tólqujattardyń jańa reıtıngin jarııalady, dep habarlaıdy «QazAqparat» HAA.
Eń ótimdi tólqujat ıesi 2017 jyldaǵy sekildi Germanııa azamattary bolyp qaldy. Germanııa azamattary úshin vızasyz elderdiń sany 158-den 161-ge deıin artty.
2-oryndaǵy Sıngapýrdyń tólqujaty bar adam 160 elge vıza rásimdemeı bara alady. Reıtınginiń ekinshi ornyn, sonymen qatar Danııa, Shvetsııa, Fınlıandııa, Italııa, Frantsııa, Ispanııa, Ońtústik Koreıa elderi de bólisip tur.
Ýkraına 30-orynda tur. Kıev 122 elmen vızasyz rejım engizgen.
Azamattaryna 109 elge vızasyz barýǵa múmkindigi bar Reseı 42-orynnan 40-orynǵa kóterildi.
108 elmen vızasyz rejım ornatqan Túrkııa 41-orynǵa taban tiredi.
Moldova men Grýzııa 42-orynda, bul elderdiń azamattary 106 elge vızasyz barýyna bolady.
Qazaqstan 59-orynda keledi. Bizdiń qolymyzdaǵy tólqujat 71 elge erkin saıahattaýǵa múmkindik beredi. Qazaqstanmen birge Belarýs ta 71-orynda tur.
64 elge vızasyz baratyn Ázerbaıjan men Qytaı 65-orynda.
Qyrǵyzstan (vızasyz rejım engizilgen 59 el) 69-orynda Armenııamen birge tur.
58 elmen vızasyz rejım engizgen Mońǵolııa 70-orynda bolsa, Ózbekstan, Tájikstan, Úndistan elderi 72-orynda (55 el).
Túrikmenstan 77-shi (50), al tizimniń sońǵy 94-qataryn azamattary 25 elge erkin baratyn Aýǵanstan qorytyndylady.
