Qazaqstan toǵyzqumalaq pen manǵaladan Kóshpendiler oıyndarynda alty altyn medal jeńip aldy
ASTANA. KAZINFORM — Qazaqstandyq sportshylar zııatkerlik sporttyń eki túrinen 11 medal jeńip aldy, dep habarlaıdy Kazinform tilshisi.
Zııatkerlik sport túrlerinen jarystar týrnır aptalyǵy boıy derlik jalǵasty. Resmı baǵdarlamaǵa sáıkes, toǵyzqumalaq boıynsha oıyndar 1 qyrkúıekte bastaldy. Al manǵala men ovarı jarystaryna qatysýshylar básekeni bir kúnnen keıin bastady. Úsh sport túrinen de sheshýshi kezeńder 6 qyrkúıekte ótti.
Jalpy júldeler úshin 53 elden 332 sportshy baq synady. Qazaqstan quramasy eń joǵary nátıjeni toǵyzqumalaqtan kórsetti. Ulttyq qurama tórt altyn jáne eki kúmis medal jeńip aldy.
Al manǵala sportynan qazaqstandyqtar qorjynyna taǵy bes júlde tústi. Ulttyq qurama ókilderi eki ret jeńis tuǵyrynyń eń bıik satysyna kóterilip, eki ret kúmis jáne bir qola medal ıelendi.
Buǵan deıin Qazaqstannyń kók bóri quramasy Kóshpendiler oıyndarynda kúmis medal jeńip alǵan bolatyn.
Qazaqstan Dúnıejúzilik kóshpendiler oıyndarynyń besinshi kúninde úsh medal enshiledi.
Aıta ketelik «Gúlder» ansambli Dúnıejúzilik kóshpendiler oıyndarynyń «Etno-bı» baıqaýynda Gran-prı ıelendi.
