Qazaqstan - TMD keńistigindegi árdaıym tatýlyq pen turaqtylyq ornaǵan jalǵyz el - Qazaqstannyń bas ravvıni
QazAqparat tilshisine bul pikirdi búgin eloradadaǵy «Qazaq eli» monýmenti aldynda ótip jatqan Naýryz meıramyna arnalǵan shara barysynda Qazaqstannyń bas ravvıni Eshaıa Kogen bildirdi.
«Barsha qazaqstandyqtardy osynaý tamasha meırammen quttyqtaımyn. Alla taǵala adamdardyń jańa jyldy atap ótýin kórip otyrady. Sondyqtan da jańa jylda adam Qudaı aldynda esep beredi desek te bolady. Dál osy kezeńde adam men Alla taǵalanyń tilegi saı keledi», - dedi bas ravvın.
Onyń atap ótýinshe, Qazaqstan dál qazirgi ýaqytta turaqtylyq pen tynyshtyq ornaǵan TMD aýmaǵyndaǵy jalǵyz memleket bolyp otyr.
«Qazaqstanda bala kezden bastap beıbitshilik pen kelisimge úıretedi. Al bul ómirdegi eń basty másele. Bul urpaqtan urpaqqa jalǵasyp keledi. Meniń oıymsha, bul Qazaqstan halqynyń zor eńbegi», - dedi E.Kogen.
