Qazaqstan TMD formatyndaǵy yntymaqtastyqty syrtqy saıasattaǵy basym baǵyt retinde qarastyrady
«Ózderińiz biletindeı, bıyl Qazaqstan Táýelsiz Memleketter Dostastyǵy organdaryna tóraǵalyq etedi. Sondyqtan búgin Astanada TMD sammıtin ótkizý qurmetine ıe boldyq. Elimizdiń osy birlestik aıasyndaǵy yntymaqtastyqty damytý tásilderi barshaǵa belgili. Qazaqstan Respýblıkasy TMD formatyndaǵy yntymaqtastyqty tereńdetýdi óziniń syrtqy saıasatyndaǵy basym baǵyttardyń biri retinde qarastyrady. Esterińizge sala keteıin, Qazaqstan bul uıymdy qurýdyń bastaýynda tur. 1991 jyly 21 jeltoqsanda Almaty qalasynda Táýelsiz Memleketter Dostastyǵy qyzmetiniń maqsattary men qaǵıdattaryn bekitip, qabyldandy. Bul qujat kópjaqty ıntegratsııalyq ózara is-qımyldyń berik negizin qalady», - dedi ol TMD sammıtinen keıingi baspasóz málimdemesinde.
Mınıstr 30 jyldan keıin TMD ózara túsinistik pen bir-biriniń múddelerin eskerý qaǵıdattary negizinde qatysýshy memleketterdiń údemeli damýyn qamtamasyz etetin bedeldi halyqaralyq qurylymǵa aınalǵanyn aıtty.
«Osy jyldar ishinde ortaq kúsh-jigerdiń arqasynda TMD-da kooperatsııanyń pármendi tetikteri qurylyp, berik normatıvtik-quqyqtyq baza qalyptastyryldy, yntymaqtastyqtyń barlyq salalarynda biregeı tájirıbe pysyqtaldy. Ótken sammıt barysynda Memleket basshylary bul uıymnyń qajettiligin taǵy da rastady. Kópjaqty yntymaqtastyqty nyǵaıtýǵa degen kózqarasty, TMD qyzmetiniń tıimdiligin odan ári arttyrý qajettigin atap ótti», - dedi Muhtar Tileýberdi.
