Qazaqstan TMD eńbekshi-mıgranttarynyń quqyqtyq mártebesi týraly konventsııaǵa óz eskertpesin engizip otyr

Búgin QR Parlamenti Májilisi Halyqaralyq ister, qorǵanys jáne qaýipsizdik komıtetiniń keńeıtilgen otyrysynda «Táýelsiz Memleketter dostastyǵyna qatysýshy memleketterdiń eńbekshi-mıgranttary men olardyń otbasy músheleriniń quqyqtyq mártebesi týraly konventsııany ratıfıkatsııalaý týraly» zań jobasy boıynsha baıandama jasaǵan Eńbek jáne halyqty áleýmettik qorǵaý vıtse-mınıstri Birjan Nurymbetov osylaı málim etti, dep habarlaıdy QazAqparat. 

«Atalǵan konventsııa kópjaqty kelisim negizinde bolǵandyqtan onyń múmkindikteri Qazaqstannan shyqqan mıgranttarǵa da qatysty bolyp tabylady. Elimizden shyqqan mıgranttardyń quqyqtaryna qysymdyq kórsetýge jáne májbúrleýge, quldyq eńbekke salýǵa jol berilmeıdi. Sonymen bir mezgilde, konventsııa shetelde jumys isteıtin qazaqstandyq azamattardyń áleýmettik qorǵalýyn, densaýlyq saqtaý, áleýmettik tólemder, qosymsha bilim alý deńgeıin arttyrýǵa jáne syrtta júrgen qazaqtardyń mádenıetin saqtaýǵa, ana tilin úırenýge múmkindikter beretin bolyp tabylady», dedi B. Nurymbetov.

Vıtse-mınıstrdiń aıtýynsha, konventsııanyń 7-baby, 1-tarmaǵynyń 12-shi azat joly (abzats) jáne 13-baby, 1-tarmaǵynyń normalary Qazaqstannyń zańnamasyndaǵy jaǵdaıdan ózgeshe máseleni kózdeıdi. Osyǵan baılanysty Qazaqstan konventsııaǵa tıisti eskertpe engizip, ol boıynsha kórsetilgen normada «Qazaqstan óziniń ulttyq zańnamasyna  súıenip iske asyrady» dep jazylǵan.

«Máselen, Qazaqstannyń qoldanystaǵy zańnamasyna sáıkes, áleýmettik járdemaqy alýǵa, bilim alýǵa Qazaqstan Respýblıkasynda turaqty turatyn sheteldik azamattar men azamattyǵy joq adamdardyń quqy bar. Al Konventsııanyń 7-shi, 13-shi baptary bundaı quqyqtardy qabyldaýshy taraptyń zańnamasymen qosa halyqaralyq sharttarǵa sáıkes, tek eńbekshi-mıgranttar ǵana emes olardyń otbasy múshelerine de beredi. Ekinshiden, konventsııaǵa sáıkes eńbeshi-mıgrant bolyp, ózi azamaty bolyp tabylmaıtyn jáne turaqty turmaıtyn memlekettiń aýmaǵynda zańdy túrde turatyn jáne zańdy negizde aqyly eńbekpen aınalysatyn adamdar tanylady. Bul degenińiz konventsııa aıasyndaǵy atalǵan sol elde turaqty turmaıtyn azamat, biraq zańdy negizde jumys istep júrgen azamattardy da qamtıdy. Sondyqtan, halyqaralyq shart bolyp tabylatyn konventsııany tıisti eskertpesiz ratıfıkatsııalaý Qazaqstannyń eńbekshi-mıgranttaryna olardyń otbasy múshelerine zeınetaqydan basqa áleýmettik qamsyzdandyrý, áleýmettik saqtandyrý jáne zańdy bilim men qosymsha kásiptik bilim alý quqyqtaryn beredi. Olaı bolǵan jaǵdaıda bul norma elimizdiń memlekettik bıýdjetinen qosymsha shyǵyn talap etýi múmkin. Osy sebepten Qazaqstan tarapy konventsııaǵa tıisti eskertpeni qabyldap otyr», dedi B. Nurymbetov.