Qazaqstan TMD elderinen 3,5 mlrd $ agroónim satyp aldy

Ótken jyly elimizdiń TMD elderine eksport kólemi 3 mlrd AQSh dollarǵa jetip, 27% artqan. Bul týraly QR Aýyl sharýashylyǵy mınıstri Aıdarbek Saparov málim etti, dep habarlaıdy Kazinform. 

«Aýyl sharýashylyǵy óndirisin jedeldetip ártaraptandyrýǵa, agrotehnologııalardy, onyń ishinde sýdy únemdeıtin tehnologııalardy engizýdi yntalandyrýǵa basa nazar aýdaramyz. Sonymen qatar aýyl sharýashylyǵy tehnıkasyn jańartý kerek, mal sharýashylyǵynda genetıkalyq áleýetin arttyrý qajet. Búginde eksport naryǵyn keńeıtý baǵytynda is-sharalar qabyldanyp jatyr», - Aıdarbek Saparov elordada ótip jatqan TMD-ǵa qatysýshy memleketterdiń azyq-túlik qaýipsizdigin qamtamasyz etý salasyndaǵy yntymaqtastyq máseleleri jónindegi mınıstrler konferentsııasynda.

Mınıstrdiń aıtýynsha, Qazaqstan úshin TMD elderi eń iri saýda seriktesi.

«2022 jyly TMD elderimen Qazaqstannyń agroónerkásiptik kesheni ónimderiniń jalpy taýar aınalymy 23%-ǵa ulǵaıyp, 6,5 mlrd AQSh dollaryna jetti. Bul Qazaqstannyń agroónerkásiptik kesheni ónimderiniń jalpy taýar aınalymynyń 60%-y. Ótken jyly elimizdiń TMD elderine eksport kólemi 3 mlrd AQSh dollaryna jetip, 27% artty. Bul respýblıkanyń agroónerkásiptik kesheni eksportynyń 56%-yna teń. Odan bólek, Qazaqstan TMD elderinen 3,5 mlrd dollarǵa agroónerkásiptik keshen ónimderin satyp aldy», - deıdi ol.