Qazaqstan TMD elderi SІM basshylarynyń keńesine qatysty

NUR-SULTAN. QazAqparat – Táýelsiz Memleketter Dostastyǵy Syrtqy ister mınıstrleri keńesiniń kezekti otyrysy beınekonferentsııa formatynda ótti. Bul is-sharaǵa Qazaqstannyń Syrtqy ister mınıstri Muhtar Tileýberdi qatysty, dep habarlaıdy QazAqparat.

Іs-shara barysynda TMD-ǵa qatysýshy-memleketterdiń syrtqy saıası vedomstvolarynyń basshylary halyqaralyq jáne óńirlik kún tártibindegi keń aýqymdy máselelerdi talqylady. COVID-19 koronavırýsynyń taralý saldaryna qarsy áreket etý máselelerine erekshe nazar aýdardy.

Taraptar qatysýshy-memleketterdiń qaýipsizdik pen gýmanıtarlyq yntymaqtastyq salasyndaǵy ózara is-qımylyn odan ári nyǵaıtýǵa yqpal etetin birqatar mańyzdy sheshimderdi kelisti. Otyrys qorytyndysy boıynsha 2020 jylǵa TMD sheńberinde kóp deńgeıli SІM-aralyq konsýltatsııalar jospary bekitildi.

Sondaı-aq, TMD-ǵa qatysýshy-memleketterdiń qorǵanys, qaýipsizdik, mádenıet, sport, bilim jáne jastar yntymaqtastyǵy salasyndaǵy halyqaralyq sharttar men sheshimderdiń jobalary maquldandy.