Qazaqstan TMD elderi Qarýly kúshteri shtab basshylary komıtetiniń otyrysyna qatysty

ASTANA. QazAqparat - Qazan qalasynda QR Qorǵanys mınıstriniń birinshi orynbasary, Bas shtabtyń basshysy, general-leıtenant Murat Maıkeev bastaǵan  delegatsııa TMD elderi qarýly kúshteri shtab basshylary komıtetiniń otyrysyna qatysty, dep habarlaıdy «QazAqparat» QR QM baspasóz qyzmetine silteme jasap.

Kezdesý barysynda qatysýshylar qazirgi áskerı-saıası jaǵdaı týraly pikir almasty jáne TMD keńistigindegi áskerı qaýipsizdiktiń qaýip-qaterleri jónindegi máselelerdi talqylady.

2018 jyly áskerı yntymaqtastyqty damytý boıynsha TMD Qorǵanys mınıstrleri keńesi jumys organdarynyń nátıjeleri jáne 2019 jylǵa arnalǵan jumys josparynyń jobalary maquldandy. Sonymen birge jıynda pılotsyz avıatsııa salasyndaǵy yntymaqtastyq máseleleri men memlekettik radıolokatsııalyq isterdiń biryńǵaı júıesi týraly talqylandy.