Qazaqstan TMD elderi ishinde Biryńǵaı ekonomıkalyq keńistikke daıyndyqta 1-shi oryn alady - Slovakııa Elshisi D.Podgorskıı
ATY. Sáýirdiń 23-i. QazAqparat /Erlik Erjanuly/ - Biryńǵaı ekonomıkalyq keńistik Qazaqstannyń Eýropaǵa jolynyń bastamasy. Bul Almatyda ótip jatqan "Qazaqstannyń eýropalyq perspektıvasy: seriktestiktiń jańa kezeńderi" dep atalatyn halyqaralyq konferentsııada aıtyldy,
dep habarlaıdy QazAqparat.
"Bul sharaǵa kezdeısoq kelgen joqpyn. Bul men úshin úlken vıza. Óıtkeni 2003 jyly Qazaqstanǵa tehnıkalyq komıtettiń akkredıtatsııa júıesin engizý men sertıfıkatsııalaýdy baǵalaýdyń sáıkestigin tekserý úshin kelgen edim. Ol kezde bul másele, Qazaqstan, Reseı, Belarýs arasyndaǵy Keden Odaǵynda mańyzdy ról atqarady dep oılaǵan joqpyn. Endi bul qyzmetti Slovakııanyń Qazaqstan men Qyrǵyzstandaǵy Tótenshe jáne Ókiletti Elshisi retinde odan ary jalǵastyrýǵa múmkindik týyp otyr", deıdi Dýshan Podgorskıı. Búgingi tańda Halyqaralyq bıznes ýnıversıtetinde osy másele jóninde dáris oqyp júrgen onyń paıymdaýynsha, Qazaqstan Biryńǵaı ekonomıkalyq keńistikke daıyndyqta TMD elderiniń ishinde 1-shi orynda kele jatyr. Jalpy taýar men qyzmettiń erkin qozǵalysynsyz Eýropaǵa jol ashý múmkin emes.
