Qazaqstan – TMD-daǵy taksı qyzmeti eń qymbat elderdiń biri
ASTANA. QazAqparat – Numbeo málimetteri boıynsha, 2022 jyldyń 6 qazanyndaǵy jaǵdaı boıynsha 1 km-ge eseptelgen taksı qyzmetteriniń eń tómengi baǵasy Pákistanda (0,18 AQSh dollary) tirkelgen, al eń joǵarǵysy – Shveıtsarııada (3,93 AQSh dollary), dep habarlaıdy QazAqparat Ranking.kz saıtyna silteme jasap.
Qazaqstanda taksı qyzmetiniń quny 1 shaqyrymǵa eseptegende 0,32 AQSh dollaryn qurady. Qazaqstan taksı qyzmetiniń arzandyǵy boıynsha 105 eldiń ishinde 12-shi orynda tur. TMD elderiniń arasynda Qazaqstanǵa qaraǵanda taksı qyzmetteri Ázerbaıjan men Reseıde qymbatyraq, Belarýs, Ózbekstan, Moldova jáne Armenııada arzanyraq.
Osy jyldyń qańtar-tamyz aılarynda Qazaqstanda taksı qyzmetin kórsetetin kompanııalardyń tabysy 3 mlrd teńgeni qurady. Bir jyl buryn 2,8 mlrd teńge bolǵan edi.
Sektordaǵy eń joǵary kórsetkishter Qaraǵandy oblysynda (1,3 mlrd teńge) tirkelgen. Bir jylda 37,3%-ǵa artqan. Kóshbasshylar úshtigine elorda (728,7 mln tg, bir jylda 4,4%-ǵa azaıǵan) jáne Almaty (499,6 mln tg, bir jylda 27,1%-ǵa azaıǵan) kirdi. Eń az tabys Shyǵys Qazaqstan oblysynyń taksoparkterinde baıqaldy. Nebári 0,4 mln teńge tabys tapqan.
Jyl basynan beri 1,4 mıllıard jolaýshy taksı qyzmetin paıdalanǵan. Bul ótken jylmen salystyrǵanda 6,1%-ǵa kóp. Jolaýshylar aınalymy bir jylda 8,7%-ǵa, 20,7 mlrd km-ge deıin ósti.
2022 jyldyń tamyz aıynyń qorytyndysy boıynsha taksı aqysynyń quny bir jylda 9 paıyzǵa ósken.
Óńirlik bóliniste Jetisý oblysynyń turǵyndary baǵanyń ósýin qatty sezingen. Munda taksı qyzmetiniń quny bir jylda 37,7%-ǵa artqan. Sondaı-aq kóshbasshylarr úshtiginde Almaty jáne Abaı oblystary bar. Onda taksı aqysynyń quny tıisinshe 28,1% jáne 21,2%-ǵa qymbattaǵan.
