Qazaqstan – TMD boıynsha taksı baǵasy qymbat elderdiń biri

NUR-SULTAN. QazAqparat – Taksı qyzmetiniń baǵasy bir jylda 11% ósken. Bul týraly QazAqparat Energyprom.kz saıtyna silteme jasap habarlaıdy.

«Qazaqstan taksı qyzmeti arzan elderdiń retınginde 105 eldińishinde 13 orynda tur. Eldegi 1 shaqyrymǵa jetkizýdiń standartty tarıfi – 0,35 dollar», - dep jazylǵan aqparatta.

Degenmen, TMD boıynsha Qazaqstan taksı baǵasy eń qymbat elderdiń biri bolyp esepteledi. Bul kórsetkish boıynsha alda tek Ázerbaıjan tur. Munda standartty taksı tarıfi (1 shaqyrymǵa) – 0,59 dollar. Belarýs pen Ózbekstanda taksı tarıfi 0,2 dollar, Ýkraına men Moldovada 0,22 dollar, Armenııada 0,25 dollar, Reseı Federatsııasynda 0,3 dollar.

Taksı qyzmet eń arzan elderdiń tizimin Pákistan (0,19 dollar) bastap tur. Al taksı baǵasy eń qymbat el – Shveıtsarııa –4,02 dollar.

«Óńirler arasynda taksı qyzmetine Qaraǵandy oblysy jıi júgingen (1,08 mlrd teńge). Sondaı-aq, Nur-Sultan (641,4 mln teńge) men Almaty (431,2 mln teńge) turǵyndarytaksıqyzmetin jıi paıdalanǵan.

Shildeniń qorytyndysy boıynsha, taksı qyzmetiniń baǵasy bir jylda 10,5% qymbattaǵan.Óńirler arasynda taksı baǵasy Túrkistan oblysynda bir jyldyń ishinde 28,2%, Almaty oblysynda 28,1%, Atyraý oblysynda 19% qymbattaǵan», - dep jazady Energyprom.kz.